+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Taıaýda otandyq «shoý-bıznestiń» jańa qalyptasqan kezi týraly telehıkaıa kórermenge jol tartady

2019 jylǵy 20 qyrkúıek 16:10
Bólisińiz:
Taıaýda otandyq «shoý-bıznestiń» jańa qalyptasqan kezi týraly telehıkaıa kórermenge jol tartady

NUR-SULTAN. QazAqparat - 90-jyldardaǵy otandyq shoý-bıznestiń aıaq alysy týraly telehıkaıa 23 qyrkúıekten bastap kórermenge jol tartady, dep habarlaıdy QazAqparat.

Uqsas jańalyqtar
Qazaqstandyqtarǵa detektıv janrynda túsirilgen telehıkaıa usynylady «Chernobyl» úzdik shaǵyn serıal atanyp, «Emmı» syılyǵyn jeńip aldy Túrkiden shyqqan tuńǵysh patshaıym Razııa Sultan týraly telehıkaıa efırge shyǵady

«Habar» agentigi otandyq «shoý-bıznes» uǵymynyń jańadan qalyptasqan kezderi týraly melodrama túsirip jatyr. Búgingi tańda «Raýza» kartınasynyń túsirilim jumysy tolyǵymen aıaqtalyp, óńdeý jumystarynan ótýde. Telehıkaıa – 23 qyrkúıekten bastap kórermenge jol tartady. Týyndynyń bas prodıýseri – Baıan Alagózova.

Telehıkaıada bala kezden áýezdi ánge jany qushtar Raýza esimdi boıjetkenniń ómiri men óner jolynda jolyqtyratyn san túrli sátteri sýretteledi. Týyndyda otandyq shoý-bızestiń aıaq alysy, damý kezeńderi, ónerdi ómirim dep tańdaǵan bas keıipker Raýzanyń osy jolda jolyqtyratyn qıyndyqtary qamtylady. Raýza - alyp shahar Almatydan shalǵaıda ornalasqan aýyldardyń birinde dúnıege kelip, sol aýylda ósedi. Boıjetken - mektep qabyrǵasynda oqyp júrip aýdanaralyq jarystardan júldeli oryndar alady. Ataqty kompozıtorlardyń kózine ilinip, Almatyǵa attaný týraly usynys alady. Ózin tek óner jolynda ǵana elestetetin qyz – súıiktisi Ardaqtyń úılený týraly usynysyna qaramastan, Almatyǵa attanady.


Bas qalanyń qaýyrt tirshiliginde asyǵyńnyń alshysynan túsýi – lotereıa bıletinen utys utyp alýmen teń. Ol utys bireýge buıyrsa, bireýge buıyrmaýy – zańdylyq. Arman qýyp, sol kezdegi elimizdiń astanasy – Almatyǵa kelgen Raýza - mýzykalyq ýchılıege túse almaı qalady. Kúnkóristiń amalyn jasap, biraz ýaqyt qara jumystyń basyn shalady. Sondaı jumystardyń biri - múmkindigi shekteýli bolyp qalǵan mádenıet mınıstrliginiń eks - ókilin kútý edi. Raýza sol kisiniń nusqaýymen ataqty «Gúlder» ansambline kóp uzamaı kıim sýretshisiniń kómekshisi bolyp jumysqa ornalasady. Ánshilikti ańsap júrgen Raýzany sahnadan bir qadamdyq bul qyzmeti - óner álemine áldeqaıda jaqyndatqandaı boldy.


Jańa jumysynda boıjetken Shalqar esimdi kompozıtordyń úzdiksiz qoldaýyna ıe bolady. Nátıjesinde, Shalqar Raýzaǵa arnap joǵary suranysqa ıe, qazirgi tilmen aıtqanda «hıt» ánin syılap, bas keıipker - áp-sátte ataq-dańqtyń astynda qalady. Biraq, basshylyq ekeýiniń bul áreketterin zańsyz dep taýyp, jumystan shyǵarý týraly qaýly qabyldaıdy.


Biri talantty ánshi, ekinshisi daryndy kompozıtor. Bar qıyndyqty birge ótkerip kelgen Shalqar men Raýzanyń úkilegen úmitteri aqtalyp, 2000 jyldardyń ózinde-aq, tanymaldylyqtyń tájin kıedi. Úzdiksiz túsirilimder, kontsertter, suhbattar, tyńdarmannyń sheksiz mahabbaty men qoldaýyna ıe bolǵany sonshalyq, ýaqyt óte Raýza «juldyz aýrýyna» shaldyǵady. Sezimin sabyrmen jeńgen Shalqar – ishinen tynyp, «súıikti» ánshisiniń burynǵy qalpyna oralǵanyn kútýmen bolady..



12 bólimnen turatyn bul telehıkaıadan Jarqynaı Shalqar, Qýanysh Kerimqulov, Aıdar Asqarbek, Almat Saqatov, Roza Muqataeva,Ǵazret Erjanov, Sherhan Pirnazar, Asan Májıt, Asqar Jumabek, Aıgerim Qaıratqyzy, Zýhra Saıpı, Aqbópe Ábdirash, Aqnıet Meıirjanqyzy, Erlan Álı jáne basqa da akterlerdi kóre alasyzdar.



Bizdiń kanalymyzǵa jazylyńyz:

Basty sózder: Mádenıet, BAQ,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT