+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Taıaý Shyǵys: jańa áýe soqqylary, qaqtyǵystar men tártipsizdikter

2021 jylǵy 15 mamyr 14:00
Bólisińiz:
Taıaý Shyǵys: jańa áýe soqqylary, qaqtyǵystar men tártipsizdikter

NUR-SULTAN. QazAqparat – Senbi kúni tańerteń Izraıldiń Gaza sektoryndaǵy úılerdiń birine tıgizgen áýe soqqysy saldarynan kem degende 8 palestınalyq azamat qaza tapty. Turǵyn ǵımarat Gaza qalasynan batysqa qaraı Esh-Shaty bosqyndar lagerinde ornalasqan. Bir otbasy músheleri turǵan úı bombalaý kezinde tolyq qırady, dep habarlaıdy QazAqparat Euronews aqparat agenttigine silteme jasap.

Zardap shekken 20-ǵa jýyq adam Gazanyń ortalyq aýrýhanasyna jetkizildi. Dúısenbiden bastap Izraıl jáne Gaza sektory arasynda raketa soqqysymen almasý jalǵasyp jatyr.

BUU janjaldyń shıelenisýine qatysty alańdaýshylyq bildirip otyr.

BUU Bas hatshysynyń resmı ókili Stefan Dıýjarrık:

«Bas hatshy (Antonıý Gýterrısh) shıelenis taraptaryn Gaza men Izraılde áskerı qımyldardy dereý toqtatýǵa shaqyryp otyr. Jalǵasyp kele jatqan áskerı eskalatsııa kóp qaıǵy ákeldi. Ol ondaǵan beıbit turǵynnyń ómirin qıyp áketti, ókinishke qaraı, olardyń arasynda balalar kóp».

Izraıldiń soltústigindegi Kafr-Kanda ıslamshylardyń kóshbasshylarynyń biri qamaýǵa alynǵan soń jappaı tártipsizdikter ornaǵan.

Arabtar ızraıldik áskerılerge tas laqtyryp, joldaryn buǵattaǵan, tártip saqshylaryna oq atqan.

Izraıl polıtsııasynyń habarlaýynsha, toǵyz adam jaraqat alǵan. Onyń tórteýi aýyr halde jatyr.

Juma kúni Izraıl polıtsııasy Ierýsalımniń Sılýan aýdanynda ornaǵan tártipsizdikter kezinde jas shyǵaratyn gaz ben jaryq-shý granatasyn qoldandy.

Izraıldyqtar men palestınalyqtardyń shıelenisinen keıin Shyǵys Ierýsalımde qaqtyǵystar Iordan ózeniniń Batys jaǵalaýnda bastalǵan.

Túrli qalalardaǵy júzdegen palestınalyq azamat Izraıldiń Gaza sektory mnen Shyǵys Ierýsalımdegi áreketterine narazylyq retinde kóshelerge shyqty.

Palestınanyń Qyzyl Jarty aıynda ızraıldik áskerılermen qaqtyǵys saldarynan 100-den astam adam qaza tapqanyn málimdedi.

Onshaqty palestınalyq azamatty áskerıler atty. Taǵy bireýi ızraıldik sarbazǵa shabýyl jasamaq bolǵanda óltirilgen.


Bizdiń kanalymyzǵa jazylyńyz:

#Oqıǵa   #Álem  
Bólisińiz:

Avtor:

Zarına Týǵanbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT