+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Táýelsizdiktiń 30 jyldyǵyna oraı túrkitildes eldermen telekópir uıymdastyrý usynyldy

2021 jylǵy 15 qyrkúıek 14:23
Bólisińiz:
Táýelsizdiktiń 30 jyldyǵyna oraı túrkitildes eldermen telekópir uıymdastyrý usynyldy

NUR-SULTAN. QazAqparat – «Qazaqstan» teleradıokorporatsııasynyń basqarma tóraǵasy Lázzat Tanysbaı túrkitildes elderdiń memlekettik telearnalaryna birlesken telekópir uıymdastyrýdy usyndy, dep habarlaıdy QazAqparat tilshisi.

Uqsas jańalyqtar
Aqmola oblysynda «Qazaqstan - Uly dala eli» atty jastar forýmy ótti Telearnalar balalarǵa arnalǵan kontentke kem degende eki saǵat efır ýaqytyn bólýi kerek – prodıýser Táýelsizdiktiń 30 jyldyǵyna oraı elimizdiń úzdik 30 aýyly anyqtaldy

«Bıyl Qazaqstan, Ózbekstan, Qyrǵyzstan, Ázerbaıjan syndy túrkitildes elder óz táýelsizdiginiń 30 jyldyǵyn toılap jatyr. Sondyqtan osy 30 jyldyq sheńberinde Naýryz meıramy aıasynda memlekettik telearnalarǵa birigip, telekópir uıymdastyrýdy usynamyz. Bul bizdiń áriptester úshin ǵana emes, ortaq aýdıtorııamyz úshin de qyzyqty bolar edi. Mysaly ótken jyly Qazaq radıosynyń 100 jyldyǵynda radıokópir uıymdastyrǵan edik. Oǵan Túrkııa, Ázerbaıjan, Qyrǵyzstan, Ózbekstan, Mońǵolııa, Iran radıolarynyń tilshileri qatysqan edi. Bolashaqta da osyndaı sharalardy birlesip ótkizýge shaqyramyz», - dedi Lázzat Tanysbaı XVII Eýrazııa medıaforýmynda «Túrkitildes elderdiń buqaralyq aqparat quraldary» atty dóńgelek ústelde.

Sonymen birge Lázzat Tanysbaı túrkitildes elderdiń buqaralyq aqparat quraldaryn mádenı-tarıhı baǵyttaǵy jobalardan bólek, qazirgi ýaqyttaǵy eń ózekti - koronavırýspen kúres taqyrybynda da birlese jumys isteýge shaqyrdy.

«Bir ǵana «Qazaqstan» teleradıokorporatsııasy osy kúnge deıin bir jarym jylda koronavırýspen kúres jáne kórermenderdi vaktsına alýǵa shaqyratyn 160 shaǵyn rolık jasap, usyndy. Taqyryp jáne aýdıtorııa aldyndaǵy bizdiń mindetimiz – ortaq. Sondyqtan mundaı rolıkterdi bólisýge daıynbyz. Túrkitildes elder arnalaryndaǵy osy baǵyttaǵy ónimderdi óz tilimizge dýblıajdap, efırden usynýǵa ázirmiz», - dedi basqarma tóraǵasy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT