+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Táýelsizdiktiń 30 jyldyǵy: Shyǵys Qazaqstannyń 653 mektebinde ashyq sabaq ótti

2021 jylǵy 15 qyrkúıek 10:45
Bólisińiz:
Táýelsizdiktiń 30 jyldyǵy: Shyǵys Qazaqstannyń 653 mektebinde ashyq sabaq ótti

ÓSKEMEN. QazAqparat – Shyǵys Qazaqstan oblysyndaǵy barlyq mektepte «Táýelsizdik jetistikteri» taqyrybynda 1-11 synyp oqýshylary úshin ashyq sabaq ótti, dep habarlaıdy QazAqparat tilshisi.

Uqsas jańalyqtar
Táýelsizdiktiń 30 jyldyǵyna oraı elimizdiń úzdik 30 aýyly anyqtaldy Táýelsizdik jyldaryndaǵy bilim júıesi týraly kitap jaryq kórdi Qazaqstan táýelsizdiginiń 30 jyldyǵy: Túrkııanyń teńge saraıy estelik moneta shyǵardy

El Táýelsizdiginiń 30 jyldyǵyna oraı Shyǵys Qazaqstandaǵy 647 memlekettik jáne 6 jekemenshik mektepte pedagogtar jas urpaqqa egemendik alǵannan bergi elimizdiń negizgi jetistikteri týraly aıtyp berdi.

Máselen, Óskemendegi A.Baıtursynov atyndaǵy №20 orta mektep muǵalimi Gúlim Seıtbekova ekinshi synyp oqýshylaryna ashyq sabaq ótkizdi.

Ol balalarǵa Táýelsizdik – eldiń basty qundylyǵy ekendigin jetkizdi.

«Qazaqstan úlken joldy baǵyndyrdy. Birqatar reformalar engizildi. 1991 jyly Elbasy Nursultan Nazarbaevtyń Jarlyǵymen Semeı ıadrolyq polıgony jabyldy. Sol jyly tuńǵysh qazaq ǵaryshkeri Toqtar Áýbákirov ǵaryshqa ushty. 1992 jyly Memlekettik rámizder – egemendigimizdiń myzǵymas negizderi qabyldandy. Kelesi jyly aınalysqa Táýelsizdiktiń taǵy bir atrıbýty – ulttyq valıýta engizildi. 1994 jyly elordany Almatydan Aqmolaǵa aýystyrý týraly sheshim qabyldanǵan. Keıin ol Astana dep ataldy. Az ýaqyttyń ishinde elorda adam tanymastaı ózgerdi», – dedi Gúlim Seıtbekova.

Sondaı-aq ol oqýshylarǵa 2011 jyly Qazaqstanda VII Qysqy Azııa oıyndarynyń ótkizilgeni týraly aıtty.

Sol kezde qazaqstandyq sportshylar 70 medal, onyń ishinde 32 altyn jeńip alǵan.

Ashyq sabaq barysynda balalar eń mańyzdy jáne aýqymdy is-sharalardyń biri - halyqaralyq, mamandandyrylǵan EXPO kórmesin talqylady.

2017 jyly Qazaqstan TMD aýmaǵynda osyndaı kórme ótkizgen alǵashqy el boldy. Sol kezde kórmege 115 memleket pen 22 halyqaralyq uıym qatysty.

Sonymen qatar pedagog oqýshylarǵa Qazaqstannyń qazirgi prezıdenti Qasym-Jomart Toqaevtyń qandaı jumys júrgizip jatqany týraly sóz qozǵady.

Oqýshylar ashyq sabaqqa úlken qyzyǵýshylyqpen qatysyp, óz áserin bólisti.

«Maǵan bul sabaq óte unady. Ustazymyz elimizdiń qalyptasý tarıhyndaǵy jetistikteri týraly aıtyp berdi. Biz kóp nárseni bildik. Men elordamyz Nur-Sultanda boldym. Ol óte ádemi qala, bárinende maǵan Báıterek unady», – dep óz áserimen bólisti №20 orta mekteptiń ekinshi synyp oqýshysy Arsen Qalıev.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT