+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Táýelsizdik jyldary Alash ıdeıasy men Alash murasy túbegeıli qaıta qaraldy - Prezıdent

2021 jylǵy 4 shilde 19:24
Bólisińiz:
Táýelsizdik jyldary Alash ıdeıasy men Alash murasy túbegeıli qaıta qaraldy - Prezıdent

NUR-SULTAN. QazAqparat - Memleket basshysy Qasym-Jomart Toqaev Táýelsizdiktiń arqasynda uzaq jyldar boıy halyq jaýy atanyp, qýǵyn-súrginge ushyraǵan Alash arystarynyń eńbekteri laıyqty baǵasyn alyp, olardyń esimderi qaıta jańǵyryp jatqanyn aıtty, dep habarlaıdy QazAqparat.

Aıta keteıik, búgin Prezıdent Álıhan Bókeıhan, Ahmet Baıtursynuly jáne Mirjaqyp Dýlatuly syndy ultymyzdyń uly tulǵalaryna arnalǵan eskertkishtiń saltanatty ashylý rásimine qatysty.

«Alash» sózi – halqymyz úshin qashanda qasıetti uǵym. Ótken ǵasyrdyń basynda ultymyzdyń bas kóterer azamattary Alash ıdeıasynyń tóńiregine birikti. Olar eliniń azattyǵy men órkendeýi jolynda qyzmet etti. Halyqtyń rýhyn oıatyp, sanasyna silkinis ákeldi. Jerimizdiń tutastyǵynyń saqtalýyna yqpal etti. Tól ádebıetimiz ben mádenıetimizdi buryn-sońdy bolmaǵan deńgeıge kóterdi. Órkenıetti zııalylyqtyń negizin qalady. Alash arystary zamannyń syn-qaterine qaramaı, Qazaq eliniń memleketshildik ıdeıasyn jańǵyrtty, – dedi Prezıdent ashylý rásiminde.

Qasym-Jomart Toqaev Táýelsizdiktiń arqasynda uzaq jyldar boıy halyq jaýy atanyp, qýǵyn-súrginge ushyraǵan Alash arystarynyń eńbekteri laıyqty baǵasyn alyp, olardyń esimderi qaıta jańǵyryp jatqanyna toqtaldy.

«Ókinishke qaraı, túgelge jýyǵy halyq jaýy atanyp, qýǵyn-súrgin qurbany boldy. Eńbekteri joıyldy, uzaq jyldar boıy olardyń atyn ataýǵa tyıym salyndy. Biraq, ultymyz uly perzentteriniń esimin sanasynan óshirmeı, jadynda saqtaı bildi. Táýelsizdik jyldarynda Alash ıdeıasy men Alash murasy túbegeıli qaıta qaraldy. Osydan birneshe jyl buryn «Alash» avtonomııasynyń 100 jyldyǵyn atap óttik. Bıyl Álıhan Bókeıhannyń 155 jyldyǵy Táýelsizdik merekesi aıasynda ótip jatyr. Biz Alash arystarynyń esimin jańǵyrtyp, tarıhı róline baǵa berýdi qolǵa aldyq. Meniń Jarlyǵymmen Saıası qýǵyn-súrgin qurbandaryn tolyq aqtaý jónindegi memlekettik komıssııa quryldy» , – dedi Memleket basshysy.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT