+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Táýelsizdik urpaqtary: Jastarǵa 3 mıllıon teńgeden grant beriledi

2021 jylǵy 19 shilde 20:23
Bólisińiz:
Táýelsizdik urpaqtary: Jastarǵa 3 mıllıon teńgeden grant beriledi

NUR-SULTAN. QazAqparat – 19 shildeden 20 qyrkúıekke deıin «Táýelsizdik urpaqtary» grantyna ótinimder qabyldanady, dep habarlaıdy QazAqparat tilshisi.

Uqsas jańalyqtar
«Jańǵyrý joly» qozǵalysyn respýblıkalyq jastar uıymy retinde qaıta qurǵan jón - Prezıdent

Bul týraly QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov Ortalyq kommýnıkatsııalar qyzmetinde aıtyp berdi.

«Táýelsizdik rýhymen ósip kele jatqan búgingi táýelsizdik urpaqtary – bizdiń erteńgi úmitimiz, senimdi tiregimiz. 30 jyldyq tarıhy bar Táýelsiz Qazaqstannyń memlekettik saıasatynyń negizgi basymdyǵy da - jastardy qoldaý jáne adamı kapıtaldy damytý bolyp sanalady. Búginde elimizdegi Táýelsizdik urpaqtary 3,8 mln nemese el halqynyń 20%-yn quraıdy», - dedi Sh. Baımanov.

El Prezıdenti Q.K.Toqaev «Táýelsizdik bárinen qymbat» maqalasynda Táýelsizdik jyldary dúnıege kelgen daryndy jastarǵa naqty qoldaý retinde «Táýelsizdik urpaqtary» atty grant taǵaıyndaý qajettigin atap ótken.

Osyǵan oraı, Mınıstrlik 2021 jyldyń 8 shildesinde Úkimet qaýlysymen «Táýelsizdik urpaqtary» grantyn taǵaıyndaý boıynsha erejeleri men tujyrymdamasyn bekitti.

«Bıyl alǵash ret Táýelsizdiktiń 30 jyldyǵyna oraı, úzdik 30 jobaǵa 3 mln teńgeden «Táýelsizdik urpaqtary» atty grant beriledi. Elimizdiń 14-29 jas aralyǵyndaǵy barlyq azamattaryna arnalǵan granttyń negizgi maqsaty – belsendi shyǵarmashyl jastardyń jobalaryn, bastamalaryn iske asyrý, qolda bar jobalardy damytý, ǵylymı jáne qoldanbaly zertteýler júrgizý jáne jastardy oqytý úshin paıdalanýǵa berý bolady», - deıdi Sh. Baımanov.

Aıta keteıik, granttar QR azamattaryna jańa ıdeıalar men bastamalardy iske asyrý úshin kelesi baǵyttar boıynsha konkýrstyq negizde beriledi:

«Ǵylym» - ǵylymnyń basym sektorlarynda jańa ǵylymı jobalar men zertteýlerdi iske asyrý úshin;

«Mádenıet» - Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrý úshin;

«Aqparattyq tehnologııalar» - jańa IT-sheshimder men jobalardy, onyń ishinde bastaýshy startap-jobalardy iske asyrý jáne ázirleý úshin;

«Bıznes» - ekonomıkanyń basym sektorlarynda jańa bıznes-ıdeıalardy iske asyrý úshin;

«Medıa» - jańa medıa-jobalardy, onyń ishinde jastar úshin tanymdyq, paıdaly, qyzyqty kontentti qurý jónindegi jobalardy iske asyrý úshin.

Konkýrstyq ótinimder memlekettik nemese orys tilderinde qabyldanady jáne onda tómendegi málimet bolýy qajet:

jobanyń sıpattamasy;

jobanyń beıneprezentatsııasy (60 sekýndtan kóp emes);

shyǵyndar smetasynyń jobasy;

zııatkerlik menshik týraly málimetter (bar bolsa).



Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT