+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Táýelsizdik shejiresi: 2013 jyl - Qazaqstan 2050 jylǵa deıingi strategııasyn aıqyndady

2016 jylǵy 12 jeltoqsan 12:33
Bólisińiz:
Táýelsizdik shejiresi: 2013 jyl - Qazaqstan 2050 jylǵa deıingi strategııasyn aıqyndady

ASTANA. QazAqparat - Táýelsizdiktiń tarıhyndaǵy 2013 jyl nesimen este qaldy degende, bul jylda Qazaqstannyń «2050 Strategııasy - qalyptasqan memlekettiń jańa saıası baǵyty» atty Joldaý boıynsha jumystyń qolǵa alynýymen erekshelenetinin aıtýǵa bolar edi. Shyndyǵynda Prezıdent Nursultan Nazarbaev jarııalaǵan «Qazaqstan - 2050» Strategııasy - qazirgideı shapshań ózgerip, tez qubylatyn zamanda Qazaqstannyń adastyrmas baǵyt-baǵdary boldy. Sondyqtan bul baǵdarlamany halyqqa túsindirýde 2013 jyly túbegeıli betburys jasaldy.

Tutastaı alǵanda «Qazaqstan 2050» Strategııasy ekonomıkalyq jáne áleýmettik-turmystyq damý baǵdarlamasy ǵana emes, sonymen birge, ulttyń sapalyq joǵary deńgeıge kóterilýi men sanalyq damýynyń da qozǵaýshy kúshi retinde belgilengen bolatyn. Ol sonysymen de qundy edi. Sondyqtan da osy jyly atqarylǵan sharalardyń qaı-qaısynan da «Qazaqstan-2050» Strategııasynyń rýhy ańǵarylyp turady.

null

Jańa ǵasyrdyń bir múshelinde Qazaqstan Údemeli ındýstrııalyq-ınnovatsııalyq damý baǵytyna erekshe den qoıa bastaǵan edi. Osy jyly ındýstrııalandyrýdyń alǵashqy qarlyǵashtary iske qosyla bastady. Mysaly, Prezıdent N. Nazarbaev jalpyulttyq telekópirde otandyq lokomatıvter shyǵaratyn zaýytty ashty. Bul ǵana emes, qazaqstandyq kásiporyndar avtokólikter, aýyl sharýashylyǵy mashınalaryn shyǵara bastady. Sonymen qatar, dál osy jyldyń eleýli oqıǵalary qataryna kópten kútken Qashaǵan ken ornynyń iske kirisýin de ataýǵa bolady. Bul tek Qazaqstandaǵy ǵana emes, munaı álemindegi eleýli oqıǵa edi. Sondyqtan da Qashaǵandy ashý saltanatyna Ulybrıtanııa premer-mınıstri Devıd Kemeron qatysyp, jeke jumys kestesinde Sochı olımpıadasynyń ashylýyna barýǵa ýaqyt bólmegen Ulybrıtanııa Úkimetbasy Nursultan Nazarbaevpen kezdesýge ýaqyt tapqan bolatyn.

Jalpy 2013 jyly el bıligi Qazaqstan ekonomıkasynyń básekege qabilettiligin shyńdaýǵa kóp mán berdi. Halyqty jumyspen qamtý, jurtshylyqtyń ómir súrý deńgeıin arttyrý - Úkimettiń basty nazarynda ustaldy. Sonyń nátıjesinde osy jyldyń qorytyndysy boıynsha ekonomıka ósimi 6 paıyz deńgeıinde, jumyssyzdyq 5,2 paıyzdan, al ınflıatsııa táýelsiz Qazaqstan tarıhynda oryn alyp otyrǵan eń tómengi kórsetkish - 5 paıyzdan aspady. Qazaqstan tarıhynda tuńǵysh ret valıýta qoryn 100 mıllıard dollarǵa jeteıin dedi. Degenmen, bul el Úkimeti úshin ońaı jyl bolǵan joq. Mınıstrler Kabınetinde aýys-túıister jıi oryn aldy. Biraz jyl boıy Ulttyq bankti basqarǵan bilikti bankır Grıgorıı Marchenko óz erkimen jumystan ketti. Al Úkimet bastama jasaǵan áıelderdiń zeınetke shyǵý jasyn uzartý baǵytyndaǵy jumysyna qoǵam tarapynan úlken syndar aıtylyp, keıinnen iske Prezıdenttiń ózi aralasty. Elbasy Úkimetke qatań qarap, eskertý jasaı otyryp, tapsyrmalaryn erekshe baqylaýda ustady.

null

Táýelsizdiktiń 22 jyly saıası-áleýmettik reformalardy júzege asyra bastaýmen de erekshelendi. Qazaqstan tarıhynda tuńǵysh ret jergilikti bılik organdary basshylarynyń saılaýy tabysty ótti. Balamaly negizde máslıhattar aýdandyq mańyzdaǵy qalalardyń, selolyq okrýgterdiń, selolyq okrýg quramyna kirmeıtin kentter men aýyldardyń ákimderin saılady. Sóıtip, barlyǵy 7 mıllıon 632 myń azamattar turatyn meken-jaılardyń 2454 ákimi saılandy. Bul eldegi búkil ákimderdiń 91 paıyzdan astamy. Bul saılaýdyń basty erekshelikteriniń biri - burynǵy ákimdermen qatar, biraz jańa, jas esimder de erkin kelip, óz baqtaryn synap baqty. Tipti, keıbir okrýgterde kútpegen esimder basshylyqqa keldi. Janama saılaýdyń arqasynda el saılaǵan aýdandyq máslıhat depýtattary óz quqyqtary men múmkindikterin tolyq paıdalandy. Qalaı bolǵanda da konstıtýtsııalyq zań aıasynda ótken jergilikti ákimderdiń saılaýy óz máresine jetip, jurt jańa baǵdarǵa bet aldy.

Saıası partııalar da belsendirek boldy. Ómirge jańadan «Birlik» partııasy keldi. «Nur Otan» XV sezin ótkizip, halyqtyq demokratııalyq partııa degen ataýynan bas tartty, rýhanı qundylyqtardy basymdyq etken Doktrınany qabyldady. «Nur Otan» partııasy Ortalyq apparatynda Qazaqstan Prezıdenti partııa Tóraǵasy N.Nazarbaevtyń qatysýymen «Nur Otan» partııasy Saıası keńesi bıýrosynyń otyrysy ótti. Otyrysta «Nur Otan» partııa Tóraǵasynyń birinshi orynbasary qyzmetine Baýyrjan Baıbek taǵaıyndaldy.

2013 jyl:

- 30 qańtarda Elbasy Nursultan Nazarbaevtyń qatysýymen quqyq qorǵaý organdarynyń 2012 jylǵy jumysynyń qorytyndysyna jáne «Qazaqstan-2050» Strategııasyn júzege asyrý mindetterine arnalǵan keńeıtilgen keńes bolyp ótti. Alqaly jıynda Elbasy ózi júrgizip otyrdy. Osy kúni Prezıdent Nursultan Nazarbaev Reseı Qorǵanys mınıstri Sergeı Shoıgýdy qabyldady. Kezdesý barysynda Nursultan Nazarbaev Qazaqstan men Reseıdiń áskerı jáne áskerı-tehnıkalyq salalardaǵy yntymaqtastyǵyn nyǵaıtýdyń mańyzdylyǵyn atap ótti.

- 6 aqpanda Madrıdte Qazaqstan Prezıdenti Nursultan Nazarbaev Ispanııa Koroli I Hýan Karlospen kezdesti. Kezdesý barysynda eki eldiń mádenı-gýmanıtarlyq baǵyttaǵy, týrızm men halyqaralyq saıasat salasyndaǵy ózara is-qımyly máseleleri qaraldy.

- 8 aqpanda Nursultan Nazarbaev Reseıge jumys sapary aıasynda Reseı Federatsııasynyń Prezıdenti Vladımır Pýtınmen kezdesti. Memleketter basshylarynyń kezdesýinde ózara is-qımyldyń aýqymdy máseleleri jónindegi ekijaqty yntymaqtastyqty nyǵaıtýdy jalǵastyrý, sondaı-aq, 2013-2015 jyldarǵa arnalǵan birlesken is-qımyl josparyn odan ári iske asyrý týraly ýaǵdalastyqqa qol jetkizildi.

- 1 naýryzda Qazaqstan Prezıdenti Nursultan Nazarbaev Frantsııanyń Syrtqy ister mınıstri Loran Fabıýsty qabyldady. Memleket basshysy Frantsııanyń syrtqy saıasat vedomstvosy basshysynyń sapary ekijaqty qatynastardyń nyǵaıýynyń joǵary qarqynyn tanytatynyn atap ótti. «Bizdiń elderimizdiń yntymaqtastyǵy serpindi damyp keledi. Biz úshin Frantsııa Eýropalyq Odaq elderi arasynda iri ınvestorlardyń birinen sanalady. Qazirgi ýaqytta biz túrli qyzmet salalaryndaǵy 25 birlesken jobany iske asyrýdamyz, ekijaqty ózara is-qımyldy damytý perspektıvalary óte zor», dedi Nursultan Nazarbaev.

- 11 sáýirde Nazarbaev Astanaǵa jumys saparymen kelgen Qyrǵyz Respýblıkasynyń Prezıdenti Almazbek Atambaevpen kezdesý ótkizdi. Kezdesý barysynda yntymaqtastyqtyń túrli salalaryndaǵy ekijaqty qatynastardy odan ári damytýdyń jaı-kúıi men perspektıvalary, atap aıtqanda, Qazaqstan-Qyrǵyzstan birlesken ınvestıtsııalyq qory qyzmetiniń naqty baǵyttary qaraldy. Sonymen qatar, taraptar óńirdegi jaǵdaıdy, Eýrazııa keńistigindegi ıntegratsııalyq úderister barysyn, sondaı-aq, ShYU-ǵa múshe memleketter basshylarynyń Bishkekte ótetin aldaǵy sammıti máselelerin talqylady.

- 17 sáýirde Aqordada Qazaqstan Respýblıkasynyń Prezıdenti Nursultan Nazarbaev Qazaqstanǵa memlekettik saparmen kelgen Fınlıandııa Respýblıkasynyń Prezıdenti Saýlı Nıınıstemen kezdesti. Taraptar elder arasyndaǵy ekijaqty ózara is-qımyldyń negizgi baǵyttary jónindegi keń aýqymdy máselelerdi talqylady. Onyń ishinde eki eldiń saýda-ekonomıkalyq yntymaqtastyǵyn tereńdetý jaǵyna erekshe mán berildi.

null

- 24 sáýirde Beıbitshilik jáne kelisim saraıynda Qazaqstan Prezıdentiniń qatysýymen «Qazaqstan-2050» Strategııasy: bir halyq, bir el, bir taǵdyr» taqyrybymen Qazaqstan halqy Assambleıasynyń mereıtoılyq HH sessııasy ótti.

- 25 sáýirde Astanada HІ Eýrazııalyq medıaforým óz jumysyn bastady. Oǵan Elbasy Nursultan Nazarbaev qatysyp, sóz sóıledi.

- 10 mamyrda Elbasy Nursultan Nazarbaev Qazaqstanǵa memlekettik saparmen kelgen Túrkimenstan Prezıdenti Gýrbangýly Berdymuhamedovpen kezdesti. Kezdesý barysynda áriptestiktiń negizgi baǵyttary boıynsha ózara is-qımyldy jandandyrýdyń keń aýqymdy máseleleri qozǵaldy.

- 23 mamyrda Memleket basshysy Nursultan Nazarbaevtyń qatysýymen VІ Astana ekonomıkalyq forýmynyń aıasynda Búkilálemdik daǵdarysqa qarsy konferentsııa ótti. BUU-nyń qoldaýymen tuńǵysh ret ótkizilip otyrǵan Búkilálemdik daǵdarysqa qarsy konferentsııany ótkizý bastamasyn alǵash ret kún tártibine qoıǵan da Elbasy Nursultan Nazarbaev bolatyn. Sóıtip, Táýelsizdik saraıynda álemniń 132 memleketinen kelgen 11 myńǵa jýyq saıasatkerler, sarapshylar jáne is basyndaǵy mamandar álemdik ekonomıkanyń jahandyq daǵdarystan shyǵý joldarynyń túıindi problemalaryn tilge tıek etti.

- 28 mamyrda Bishkek qalasynda Qazaqstan Prezıdenti Nursultan Nazarbaevtyń, Qyrǵyzstan Prezıdenti Almazbek Atambaevtyń, Reseı Prezıdenti Vladımır Pýtınniń jáne Tájikstan Prezıdenti Emomalı Rahmonnyń qatysýymen Ujymdyq qaýipsizdik týraly shart uıymyna múshe memleketter basshylarynyń beıresmı kezdesýi bolyp ótti. Halyqaralyq qaýipsizdiktiń ózekti máseleleri talqylanǵan, Qyrǵyzstannyń tóraǵalyǵymen ótken jıynda birqatar túıin tarqatyldy.

- 29 mamyrda Aqordada Joǵary Eýrazııalyq ekonomıkalyq keńestiń kezekti otyrysy bolyp ótti. Kezdesýdegi otyrysqa keńeske múshe memleketter basshylary - Qazaqstan Prezıdenti Nursultan Nazarbaev, Reseı Federatsııasynyń Prezıdenti Vladımır Pýtın, Belarýs Prezıdenti Aleksandr Lýkashenko jáne múshe bolýǵa ótinish bergen Qyrǵyz Respýblıkasynyń Prezıdenti Almazbek Atambaev pen baıqaýshy mártebesin alýǵa nıet bildirgen Ýkraına Prezıdenti Vıktor ıAnýkovıch qatysty.

- 30 mamyrda Elbasy Nursultan Nazarbaevtyń «Qazaqstan Respýblıkasynyń «jasyl ekonomıkaǵa kóshý» jónindegi tujyrymdama týraly» Jarlyǵy shyqty.

- 3 maýsymda Aqordada Qazaqstan Prezıdenti Nursultan Nazarbaev Eýropalyq komıssııanyń tóraǵasy Joze Manýel Barrozýmen kezdesip, Eýroodaq pen elimiz arasyndaǵy qarym-qatynastyń san qyrly máselelerin talqylady.

- 1 shildede Aqordada Qazaqstan Prezıdenti Nursultan Nazarbaev Qazaqstanǵa memlekettik saparmen kelgen Ulybrıtanııa Premer-mınıstri Devıd Kemeronmen kezdesip, kelissóz júrgizdi. Ulybrıtanııa Premer-mınıstri Devıd Kemeronnyń elimizge sapary eki el arasyndaǵy áriptestik baılanystyń tetiginiń qanshalyqty damyǵanyn taǵy bir aıqyndap berdi.

- 4 tamyzda Qazaqstan Respýblıkasynyń Prezıdenti Nursultan Nazarbaev Iran Islam Respýblıkasyna saparmen baryp, osy eldiń jańadan saılanǵan Prezıdenti Hasan Rýhanıdi ulyqtaý saltanatynda boldy.

- 16 tamyzda Ázerbaıjannyń Gabala qalasynda túrkitildes memleketter yntymaqtastyq keńesiniń (Túrki keńesi) úshinshi sammıti ótti. Sammıtke Qazaqstan Prezıdenti Nursultan Nazarbaev, Ázerbaıjan Prezıdenti Ilham Álıev, Túrkııa Prezıdenti Abdýlla Gúl, Qyrǵyzstan Prezıdenti Almazbek Atambaev jáne Túrikmenstan Mınıstrler kabıneti Tóraǵasynyń orynbasary Sapardýrdy Toılıev qatysty.

null

- 5 qyrkúıekte Elbasy Nursultan Nazarbaev «Úlken jıyrmalyqtyń» sammıtine qatysý úshin Sankt-Peterborǵa bardy. Qazaqstan Prezıdenti Nursultan Nazarbaev G20 sammıti aıasynda Reseı Prezıdenti Vladımır Pýtınmen, BUU-nyń Bas hatshysy Pan Gı Mýnmen, sondaı-aq, basqa da memleketter basshylarymen jáne delegatsııalar jetekshilerimen kezdesýler ótkizdi.

- 6-7 qyrkúıekte Qytaı Halyq Respýblıkasynyń Tóraǵasy Sı Tszınpın memlekettik saparmen Qazaqstanda boldy. Aqordada Elbasy Nursultan Nazarbaev pen QHR Tóraǵasy Sı Tszınpın kezdesti. Qytaı basshysy Sı Tszınpınniń Qazaqstanǵa alǵashqy memlekettik sapary ózara yntymaqtastyqty jańa tarıhı beleske kóteretin orasan mándi oqıǵaǵa aınaldy.

- 11 qyrkúıekte Soltústik Kaspıı qaırańyndaǵy Qashaǵan ken ornynan munaıdyń alǵashqy barrelin óndirý bastaý aldy.

- 30 qyrkúıekte Aqordada Qazaqstan Respýblıkasynyń Prezıdenti Nursultan Nazarbaev elimizge resmı saparmen kelgen Ispanııa Koroldigi Úkimetiniń Tóraǵasy Marıano Rahoımen kezdesti. Kezdesý barysyndaǵy kelissózderde taraptar Qazaqstan men Ispanııanyń strategııalyq seriktestigin odan ári damytý máselelerin talqylady.

- 4 qazanda Aqordada Elbasy Nursultan Nazarbaev Qazaqstanǵa resmı saparmen kelgen Belarýs Respýblıkasynyń Prezıdenti Aleksandr Lýkashenkomen kezdesip, kelissóz júrgizdi.

null

- 20 qarashada Astanadaǵy Táýelsizdik saraıynda Qazaqstan Respýblıkasy sýdıalarynyń VІ sezi bolyp ótti. «Qazaqstannyń sot júıesi aldyńǵy qatarda bolýy qajet. Bul týraly men Strategııada naqty kórsettim. Barlyq quqyq qorǵaý organdary ishinen eń joǵary turǵany Joǵarǵy cot bolyp tabylady. Joǵarǵy cottyń abyroıy - Qazaqstannyń abyroıy, jalpy bıliktiń abyroıy. Biz «Qazaqstan-2050» Strategııasyn temirqazyq ete otyryp, sot júıesin jetildirýdi jalǵastyra berýimiz qajet», dedi Elbasy alqaly jıynda.

- 29 qarashada Astanada «Bolashaq» halyqaralyq baǵdarlamasynyń 20 jyldyǵyna arnalǵan forým ótti.

- 14 jeltoqsanda elordadaǵy «Qazaqstan» kontsert zalynda Táýelsizdik kúnine oraı saltanatty jınalys ótti.

-24 jeltoqsanda QR Prezıdenti Nursultan Nazarbaev Máskeýde Joǵary Eýrazııalyq ekonomıkalyq keńestiń memleket basshylary deńgeıindegi otyrysyna qatysty. Otyrysta Eýrazııalyq ekonomıkalyq odaq týraly shart jobasymen, Armenııa Respýblıkasynyń Keden odaǵy men Birtutas ekonomıkalyq keńistikke qosylýynyń jol kartasy týraly, sondaı-aq, ekonomıkalyq ıntegratsııanyń birqatar basqa da máseleleri qaraldy.

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT