+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Táýelsizdik kúnine oraı elordada qandaı sharalar ótedi

2019 jylǵy 10 jeltoqsan 08:21
Bólisińiz:
Táýelsizdik kúnine oraı elordada qandaı sharalar ótedi

NUR-SULTAN. QazAqparat - QR Táýelsizdik kúni merekesine oraı elorda turǵyndary men qonaqtaryna kontserttik baǵdarlamalar, tegin ekskýrsııalar men teatr qoıylymdary ázirlendi, dep habarlaıdy QazAqparat Elorda Info saıtyna silteme jasap.

Uqsas jańalyqtar
San-Frantsısko bıylǵy 16 jeltoqsandy Qazaqstan-Amerıka dostyǵy kúni dep jarııalady 28 jylda Qazaqstanǵa qansha ınvestıtsııa tartyldy Jambyl oblysynda 28 jylda 870-ten astam áleýmettik nysan salyndy

11 jeltoqsan

Elimizdiń eń mańyzdy merekeleriniń biri – Táýelsizdik kúnin toılaý 11 jeltoqsan kúni saǵat 19.00-de Táýelsizdik saraıynda ótetin «Meniń Otanym – Qazaqstan!» kontserttik baǵdarlamasynan bastalady.

Dál sol kúni Tuńǵysh Prezıdent - Elbasy mýzeıine de ekskýrsııa jasaýǵa bolady.

Sondaı-aq az qamtylǵan otbasylardan shyqqan balalarǵa qalanyń saýda ortalyqtary merekege oraı syılyqtar tabys etetini josparlanǵan.

12 jeltoqsan

Ónersúıer qaýym saǵat 19.00-de «Nomad City Hall» teatrynda ótetin poezııa keshine qatysa alady. Shara elimizdiń maıtalman tulǵalary S.Seıfýllın, B.Maılın, І.Jansúgirovti eske alýǵa arnalǵan.

13 jeltoqsan

«Januıa» otbasy ınstıtýtyn qoldaý ortalyǵynda saǵat 15.00-de qalanyń metsenattary balaqaılarǵa arnalǵan ınvataksı men 30-dan asa syılyqty saltanatty túrde tabystaıdy.

Al keshkisin, saǵat 19.00-de «Jastar» saraıynda B.Jandarbekovtiń «Tomırıs – saq patshaıymy» spektakli sahnalanady.

14 jeltoqsan

Elordadaǵy Áskerı patrıottyq ortalyq barsha turǵyndardy ekskýrsııaǵa qatysýǵa shaqyrady.

Keshki saǵat 19.00-de «Astana» kontsert zalynda merekelik kontsertti tamashalaýǵa bolady.

Sondaı-aq, keshki saǵat 18.30-da «Barys Arena» muz aıdynynda «Denıstiń dostary» muzdy shoýy óz kórermenderine tamasha qoıylym daıyndady.

Qýyrshaq teatrynyń kórermenderi bolsa 14-15 jeltoqsan kúnderi saǵat 12.00, 14.00, 16.00-de «Atameken» spektaklin kóre alady.

15 jeltoqsan

Mahabbat lırıkasyn súıetin qaýymdy saǵat 19.00-de «Jastar» teatrynyń shyǵarmashylyq toby Ǵ.Músirepovtiń «Jibek» mıýzıklynda asyǵa kútedi.

Sonymen qatar saǵat 19.00-de Q.Qýanyshbaev atyndaǵy Memlekettik akademııalyq qazaq mýzykalyq drama teatrynda «Abylaı hannyń armany» spektakli kórermenge jol tartady.

Elordalyq balaqaılar «Qazaqstan» OKZ ótetin jańajyldyq TIME-shoýyna qatysa alady.

Nur-Sultanǵa alǵash kelgen qonaqtarǵa da jaǵymdy habar bar. 15, 16 jeltoqsan kúnderi ekiqabatty týrıstik avtobýspen qalanyń kórikti jerleri boıynsha ekskýrsııa uıymdastyrylady.

16 jeltoqsan

Bul kúni «Qazaqstan» sport saraıynda jetim jáne az qamtylǵan otbasylarda tárbıelenetin balalar úshin muzda jappaı syrǵanaý sharasy uıymdastyrylady. Kirý – tegin.

Sonymen qatar, 16 jeltoqsan kúni 100 adamǵa, 17 jeltoqsanda 100 adamǵa Esil ózeninde konkımen, kvadrotsıklmen, «banan»-men, ballonmen syrǵanaý uıymdastyralatyn bolady.

17 jeltoqsan

17-30 jeltoqsan aralyǵynda saǵat 10.00, 12.00,14.00, 16.00-de Qýyrshaq teatry kórermenderdi A.Salaevtyń «Malefısentanyń muzdy júregi» spektakline asyǵa kútedi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT