+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Taýda joǵalǵan qyz týraly aqparat úshin aqshalaı syıaqy berilmek

2019 jylǵy 20 qarasha 13:21
Bólisińiz:
Taýda joǵalǵan qyz týraly aqparat úshin aqshalaı syıaqy berilmek

ALMATY. QazAqparat – Almatyda taýda joǵalǵan Ásel Panarǵalıevanyń týystary ol týraly kez-kelgen aqparatqa aqshalaı syıaqy beriletindigin jarııalady, dep habarlaıdy QazAqparat tilshisi.

Qutqarýshylar qyzdy 11 kúnnen beri izdep jatyr.

«Ázirge eshqandaı habar joq. Amaldyń joqtyǵynan kez-kelgen aqparat bergen adamǵa syıaqy taǵaıyndap jatyrmyz. Sebebi, bizde basqa amalymyz qalmady. Ony bireýler zorlyqpen ustap otyrýy da ǵajap emes. 26 jastaǵy ózi ómirine ózi jaýap bere alatyn qyz ózdiginen mundaı qadamǵa barmasy anyq. Buǵan deıin 1 aı Aqtaýda bolǵan, odan keıin 1 aı Túrkııada boldy. Jaman ádetten ada. Taýdy óte jaqsy kóretin. Ár senbi-jeksenbi taýǵa shyǵatyn. Áleýmettik jelide tarap jatqan telefon týraly aqparatty qazir polıtsııa tekserip jatyr. Onyń bári áli anyqtalmaǵan aqparat», - dedi qyzdyń jeńgesi Marjan Іzǵalı.

Qazir QR ІІM TJK Respýblıkalyq jedel qutqarý jasaǵy izdeý jumystaryn jalǵastyryp jatyr.


Eske salaıyq, boıjetkenniń joǵalǵany týraly 10 qarasha kúni belgili boldy. Ol taý týrızmmen aınalysyp júrgen. 9 qarasha saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jarııalaǵan.

Odan keıin baılanysqa shyqpaǵan. Buǵan deıin júrgizilgen izdestirý jumystary qyzdyń týystarynyń ótinishi boıynsha toqtatylǵan bolatyn.

Biraq keıin Á.Panarǵalıevanyń jaqyndary izdestirýdi jalǵastyrýdy qaıta surady.

Sonymen qatar, qyzdy izdestirýge alpınıster de jumyldyryldy.

Munyń aldynda Kosmostantsııa aýdanynda 9 qarashada saǵat 13:00-der shamasynda qyzdyń taýdan túsip kele jatqanyn adamdar kórgen. Odan keıin polıtsııa qyzdyń telefony arqyly qalanyń ár buryshynan telefon qońyraýlary jasalǵanyn anyqtady.

Bizdiń kanalymyzǵa jazylyńyz:

Basty sózder: Almaty, Oqıǵa,
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT