+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Tatıana Chýchýpalova: Ár otbasynyń úıinde tekemet pen quraq bolýy kerek

2020 jylǵy 27 qyrkúıek 13:40
Bólisińiz:
Tatıana Chýchýpalova: Ár otbasynyń úıinde tekemet pen quraq bolýy kerek

ÓSKEMEN. QazAqparat – Shyǵys Qazaqstan oblysy Glýbokoe aýdanynyń turǵyny Tatıana Chýchýpalova ulttyq úlgidegi quraq-kórpeni nasıhattap júrgen jandardyń biri. Tekemet pen jastyqsha, qazaqtyń oıý-órnegimen órnektelgen tápishke men sómke jasaý – onyń súıikti isi. Qazaqy salt-dástúrdi dáripteıtin ózge ult ókiliniń tigin ónerimen aınalysyp júrgenine 10 jyldan astam ýaqyt bolǵan. 27 qyrkúıek - Eńbek kúnine oraı QazAqparat tilshisi Tatıana Chýchýpalovamen suhbattasyp qaıtqan edi.

Uqsas jańalyqtar
«Qarapaıym zattar ekonomıkasy»: Batys Qazaqstanda 215 joba maquldandy Aqtaýda kópbalaly ana tigin tsehyn ashty

– Tatıana, ózińiz jaıly baıandap berseńiz…

– Men Glýbokoe aýdany, Verhberezovka aýylynda dúnıege keldim. Bala kezimnen-aq tigin tigýdi jaqsy kóretinmin. Negizgi mamandyǵym boıynsha qurylysshy-jobalaýshymyn. 2009 jyly joǵary oqý ornyn támámdaǵan soń ózim qalaǵan isimmen tolyqqandy aınalysý múmkindigi týdy. Óz nápaqańdy súıikti isińmen tapqanǵa ne jetsin! 2015 jyly Birikken Ulttar Uıymy uıymdastyrǵan konkýrsqa qatysyp, sheberhana ashý úshin grant utyp aldyq. Tigin tigýmen kásibı deńgeıde aınalysyp júrgenime 5 jyl toldy.

– Qazaqtyń ulttyq úlgidegi buıymdaryn jasaýyńyzǵa ne túrtki boldy?

– Otanymyz Qazaqstan bolǵannan keıin árbir qazaqstandyq azamattyń úıinde tekemet pen quraq bolýy kerek dep esepteımin. Maǵan qazaqy oıý-órnek, ulttyq buıymdar qatty unaıdy. Ulttyq úlgidegi kerek-jaraqtardy jasaý qolymnan kelip turǵan soń, qazaqy salt-dástúrdi dáripteýge óz úlesimdi qosqym keldi.


– Buıymdardyń jasalý barysymen tanystyryp ótseńiz…

– Qoı júnin Katonqaraǵaı aýdanyndaǵy sharýalardan jáne Taraz qalasyndaǵy arnaıy zaýyttan satyp alamyz. Júndi sýmen shaıyp alǵannan keıin, ony qamyr sııaqty ılep, basamyz. Sóıtip kıiz daıyn bolady. Sodan soń kóne ádispen kıizden tekemet, quraq jasap, zaman talabyna saı árleımiz. Sonymen qatar tápishke, sómke, ár túrli gadjetterdiń qaptaryn ázirleımiz.

– Tapsyrystar qanshalyqty jıi bolyp turady?

– Jumysty bastar aldynda birshama qıyndyqtar boldy. Búginde sonyń barlyǵy artta qalyp, kásibimizdi dóńgeletip alyp kettik. Qazir jumys ornynda bos otyryp qalatyn sát óte sırek kezdesedi. Glýbokoe aýdanyndaǵy sheberhanamyzǵa kelip turatyn tutynýshylarymyz az emes. Onymen qosa Almaty, Kostanaı, Mańǵystaý jerlerine taýarlardy tapsyrys boıynsha tasymaldap otyramyz. Elimizdiń túkpir-túkpirinen ǵalamtor arqyly da tapsyrys beretinder kóp. Tabysymyz shyǵyndy aqtap tur.


– Alǵa qoıǵan josparyńyz qandaı?

– Qazaqstannyń qala, aýdandaryn issaparmen jıi aralap, ártúrli jármeńkelerge qatysyp júremin. Baıqaǵanym, Óskemende naqty ulttyq buıymdar satatyn statsıonarly núkte joq. Osyndaı bir dúken ashqym keledi. Sonymen qatar «Dedeman» qonaq úıine shet memleketterden kelgen týrısterge qazaq halqynyń ulttyq úlgidegi kerek-jaraqtaryn usynbaq oıym bar. Munyń óz brendterimizdi kúlli álemge nasıhattaýǵa múmkindik syılamaq.

– Suhbatyńyzǵa kóp raqmet.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT