+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Tashkentte Túrki elderi saýda-ónerkásip palatasynyń otyrysy ótti

2019 jylǵy 7 qazan 20:30
Bólisińiz:
Tashkentte Túrki elderi saýda-ónerkásip palatasynyń otyrysy ótti

TAShKENT. QazAqparat – Tashkentte Túrki elderi saýda-ónerkásip palatasynyń (TSÓP) otyrysy men Túrki ınvestıtsııalyq-iskerlik forýmy bolyp ótti, dep habarlaıdy QazAqparat tilshisi.

Uqsas jańalyqtar
Túrkitildes memleketterdiń Syrtqy ister mınıstrleri Túrki keńesine Ózbekstannyń kirýin quptady Nahchyvan deklaratsııasyna - 10 jyl Túrki akademııasy Ázerbaıjanda úsh jylǵa josparlanǵan keshendi zertteý jumysyn bastaıdy

TSÓP otyrysyna Túrki Keńesiniń Bas hatshysy Baǵdat Ámireev, TSÓP prezıdenti Rıfat Hısardjykloglý, TSÓP palatasy jáne «ASK» prezıdenti Mamed Musaev, Qazaqstannyń «Atameken» Ulttyq kásipkerler palatasy tóraǵasynyń orynbasary Oljas Ordabaev, Qyrǵyz Respýblıkasy Saýda-ónerkásip palatasynyń prezıdenti Marat Sharshekeev, Ózbekstan SÓP prezıdenti Adham Ikramov, Vengrııa SÓP Basqarma múshesi Djozef Kovage, sondaı-aq Túrikmenstannyń Ózbekstan Respýblıkasyndaǵy elshisi ıAzǵýly Mamedov qatysty.

Ózbekstannyń SÓP tóraǵasy Adham Ikramov óz sózinde forýmnyń túrkitildes elderdiń isker toptary arasyndaǵy ekonomıkalyq baılanystardyń keńeıýine úlken septigin tıgizetinine senim bildirdi. Al Túrki Keńesiniń Bas hatshysy Baǵdad Ámireev SÓP qurý ıdeıasy 2018 jyly Tashkentte dúnıege kelgenin eske salyp, Ózbekstan basshysy Shavkat Mırzıeevtiń bastamasymen Tashkentte alǵashqy iskerlik jáne ınvestıtsııalyq forýmyn uıymdastyryp jatqanyna qýanyshty ekenin bildirdi.

Kezdesý barysynda Túrki keńesine múshe memleketter arasyndaǵy saýdany damytý jáne ekonomıkalyq yntymaqtastyqty keńeıtý, sondaı-aq saýda, ónerkásip jáne kásipkerlik arqyly aımaqtyq yntymaqtastyqty nyǵaıtý máseleleri talqylandy. Sondaı-aq, taraptar taýarlardyń, kapıtaldardyń, qyzmetterdiń jáne tehnologııalardyń erkin qozǵalýyn jeńildetý úshin kedendik jáne tranzıttik rásimderdi jeńildetý, sondaı-aq Birlesken ınvestıtsııalyq qor qurý sııaqty máselelerdi qaýzady.

Kezdesý barysynda Ózbekstan jáne Vengrııanyń saýda palatalary TSÓP-ke kirýge nıetti ekenderin bildirdi. Taraptar 2019 jylǵy 14 qazanda Bakýde Túrki Keńesiniń 7-shi sammıti aıasynda SÓP Alqasynyń kelesi otyrysynda múshelik hattamaǵa qol qoıýǵa kelisti. Sarapshylar Ózbekstan men Vengrııanyń Túrki saýda-ónerkásip palatasyna kirýi Túrki keńesine múshe memleketter arasyndaǵy saýda kólemin ulǵaıtýǵa jańa múmkindikter ashady degen pikir bildirdi.

Saýda-ónerkásip palatasynyń otyrysynan keıin Túrki ınvestıtsııalyq jáne bıznes forýmy ótti. Forýmǵa Túrki keńesine múshe memleketterdiń SÓP tóraǵalary, memlekettik organdardyń joǵary laýazymdy tulǵalary, kásipkerler men kásipkerler bar-jıyny 500 adam qatysty.

Forýmnyń birinshi sessııasy Ózbekstan Respýblıkasy Premer-mınıstriniń orynbasary Eler Ganıevtiń quttyqtaý sózimen bastaldy. Óz sózinde Premer-Mınıstrdiń orynbasary Tashkentte Forýmnyń sátti uıymdastyrylǵanyna qanaǵattanatynyn bildirip, forým aıasynda qurylatyn jańa seriktestikter túrkitildes memleketter arasyndaǵy ekonomıkalyq jáne saýda qatynastarynyń odan ári damýyna yqpal etetinine senim bildirdi. Ol sondaı-aq forýmǵa qatysýshylarmen Ózbekstannyń ekonomıka salasyndaǵy sońǵy jyldardaǵy jetistikteri jáne bolashaqtyń perspektıvalary týraly aıtyp berdi.

Óz kezeginde Túrki Keńesiniń Bas hatshysy Baǵdat Ámireev Ózbekstan Respýblıkasyna, atap aıtqanda, Ózbekstan Respýblıkasynyń SÓP-ine, Investıtsııalar jáne syrtqy saýda mınıstrligine jáne osy mańyzdy sharany júzege asyrýǵa qatysqan barlyq adamdarǵa alǵysyn bildirdi. Ol sonymen qatar qatysýshylardy túrki elderiniń ekonomıkalyq áleýeti jáne ekonomıkalyq yntymaqtastyqty nyǵaıtý múmkindikteri týraly habardar etti.

Eske sala ketsek, osy jyldyń mamyrynda elordada ótken Astana ekonomıkalyq forýmy aıasynda Túrki saýda-ónerkásip palatasyn qurý týraly qujat qabyldanǵan bolatyn.

Bizdiń kanalymyzǵa jazylyńyz:

Basty sózder: Ekonomıka, Ózbekstan, Túrki elderi,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT