Tashkentte kovıd-emhanalar qaıta ashyla bastady
2022 jylǵy 25 maýsym 17:29

Tashkentte kovıd-emhanalar qaıta ashyla bastady

TAShKENT. QazAqparat – Ózbekstan astanasynda COVID-19 juqtyrǵan naýqastarǵa arnalǵan arnaıy emhanalar jumysyn qaıta bastady. Tıisti sheshimdi Tashkenttiń hokımi Djahongır Artykhodjaev qabyldady, dep habarlaıdy QazAqparat menshikti tilshisi.

«Koronavırýs ınfektsııasy taralýynyń aldyn alýǵa, naýqastarǵa bilikti medıtsınalyq kómek kórsetýge, aýdandardaǵy mamandandyrylǵan emhanalardyń qyzmetin qosymshaǵa sáıkes qaıta uıymdastyrýǵa baǵyttalǵan shuǵyl profılaktıkalyq jáne epıdemııaǵa qarsy is-sharalardy júzege asyrý maqsatynda emhanalar jumysy qaıta jandandyryldy», - delingen qujatta.

Emhanalar Tashkenttiń 12 aýdanynda ashylady. Olar koronavırýs ınfektsııasy anyqtalǵan, biraq aýrý asımptomatıkalyq nemese jeńil túrde júretin patsıentterdiń densaýlyq jaǵdaıyn baqylaýmen jáne olarǵa ambýlatorııalyq nemese úıde medıtsınalyq qyzmet kórsetýmen aınalysady. Emhanalar rentgen apparattarymen, ottegi kondensatorlarymen, pýlsoksımetrlermen, PTR-testtermen, qajetti dári-dármektermen, shyǵys materıaldarymen jáne dezınfektsııalyq eritindilermen jabdyqtalǵan. Mamandandyrylǵan kovıd-emhanalar 2021 jyldyń shildesinde COVID-19 pandemııasynyń órshýi kezinde paıda boldy.

Buǵan deıin Ózbekstanda koronavırýs ınfektsııasymen syrqattanýshylyqtyń ósýi baıqalady dep habarlanǵan bolatyn.


Uqsas jańalyqtar

Jańalyqtar

Úrdis

MURAǴAT