+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Tártip saqshylaryna til tıgizgenderge qandaı shara qoldanylatyny aıtyldy

2020 jylǵy 14 tamyz 02:35
Bólisińiz:
Tártip saqshylaryna til tıgizgenderge qandaı shara qoldanylatyny aıtyldy

TALDYQORǴAN. QazAqparat - Jyl basynan beri Almaty oblysynda óziniń qyzmettik mindetterin atqaryp júrgen bılik ókiline til tıgizý deregi boıynsha 22 qylmystyq is qozǵalǵan, 16 adam sot sheshimimen bas bostandyǵynan aıyrylsa, 30 adam ákimshilik qamaqqa alynǵan, dep habarlaıdy QazAqparat tilshisi.

Uqsas jańalyqtar
Qyzylordada tergeý ızolıatorynda sálemdemeden telefon tabyldy 24 jyl buryn Belarýste kisi óltirgen adam Almatyda ustaldy Elordada júrgizýshi kýáligin 80-120 myń teńge aralyǵynda satqandar ustaldy

«Qyzmettik mindetterin atqarý kezinde polıtseıler zań ókilderiniń áreketterimen kelispeıtin jáne minez tanytatyn azamattarmen betpe-bet keledi.Olardyń keıbiri polıtsııa qyzmetkerleriniń zańdy talaptaryna belsendi qarsylyq kórsete otyryp, kópshilik aldynda bılik ókiline til tıgizedi jáne olarǵa qarsy kúsh qoldanady. Al, qoldanystaǵy zańnamada polıtsııa qyzmetkerlerine qarsy jasalǵan qylmystar úshin jaýapkershilik Qazaqstan Respýblıkasy Qylmystyq kodeksiniń arnaıy normalarymen qarastyrylǵan», - dedi Almaty oblysy PD Tergeý basqarmasy bastyǵynyń orynbasary polıtsııa polkovnıgi Samal Arǵynǵazınova.

QR Qylmystyq kodeksiniń 380-babyna sáıkes bılik ókiline qatysty kúsh qoldanǵany úshin aıyppul, túzeý jumystary, qoǵamdyq jumystarǵa tartý, bas bostandyǵyn shekteý, sondaı-aq on eki jylǵa deıin bas bostandyǵynan aıyrý kózdelgen.

«Árbir is boıynsha kúdikti adamdar mindetti túrde ýaqytsha ustaý ızolıatoryna qamaýǵa alynady. Aǵymdaǵy jyldyń 7 aıynda QR QK-niń 380-baby boıynsha 22 qylmystyq is tirkeldi, onyń ishinde 16-sy aıyptaý aktisimen sotqa jiberildi, 6 is óndiriste. 30 kúdiktige qatysty «qamaýǵa alý» bultartpaý sharasy qabyldandy», - dep atap ótti spıker.

Mysaly, Qarasaı aýdandyq sotynyń úkimimen I. esimdi azamat 5 jylǵa bas bostandyǵynan aıyryldy. Ol erli-zaıyptylar arasyndaǵy otbasylyq-turmystyq janjal boıynsha kelgen Qarasaı APB eki ýchaskelik polıtsııa ınspektoryna pyshaq qoldaný arqyly qarsylyq kórsetken jáne bir tártip saqshysyna dene jaraqatyn salǵan.

«Kóptegen jaǵdaılarda keıbir azamattar agressıvti qarsylyq kórsetedi, qyzmetkerlerdi arandatýǵa tyrysady, tipti ómirine qaýip tóndirýmen qorqytady. Sonymen qatar, olar osy áreketterdiń barlyǵyn uıaly telefondarǵa túsiredi, shyn máninde shynaıy sebepterdi burmalaı otyryp, ózderine tıimdi tustardy ǵana túsiredi. Zańsyzdyqqa jol bermeý maqsatynda barlyq saqtyq sharalaryn, polıtsııa qyzmetkerleriniń zańdy talaptaryn qatań saqtaýǵa, ókinishke ákep soǵatyn áreketter jasamaýǵa shaqyramyz», - dep qorytyndylady polkovnık Samal Arǵynǵazınova.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT