Tarıhı-mádenı birlestikterdi bıliktiń jalpyulttyq deńgeıdegi áriptesine aınaldyrý kerek - Kósherbaev

NUR-SULTAN. QazAqparat - Tarıhı-mádenı birlestikterdi bıliktiń jalpyulttyq deńgeıdegi áriptesteri qataryna kóteretin kez keldi. Bul týraly «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda QR Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

Uqsas jańalyqtar

Qostanaı arhıvine Tatarstannan qundy qujattar ákelindi

ShQO-da tarıhı-ólketaný mýzeıinde selfı kúni ótti Qazaqtyń «Taqııaly perishtesi» ómirden ozdy «Astana Balet» sahnasynda Marıın teatrynyń solısteri óner kórsetedi

«Búgingi tańda elimizde 500-ge jýyq ulttyq etno-mádenı qorlar men tarıhı-mádenı birlestikter jumys isteıdi. Bul birlestikter tarıhshylar men jýrnalısterdiń, jazýshylar men ólketanýshylardyń basyn biriktirip, ulttyq tarıhymyz ben mádenıetimizdi nasıhattap, qazaqtyń dańqty ul-qyzdarynyń eńbekteri men erlikterin jas urpaqtyń jadyna sińirýge aıanbaı qyzmet etip keledi. Álbette, bul - óte qajet ári mańyzdy sharýa. Bizdiń oıymyzsha, endigi jerde osy birlesikter men qorlardyń qyzmetin jańa satyǵa kóterip, olardy respýblıkalyq jáne jergilikti bıliktiń jalpyulttyq deńgeıdegi áriptesteri qataryna kóteretin kez keldi», - dedi Qyrymbek Kósherbaev.

Memlekettik hatshy aldaǵy ýaqytta bul qorlar men birlestikterdiń elimizdiń aıtýly datalar men kúntizbesin jáne gýmanıtarlyq kún tártibin qalyptastyrýǵa atsalysýy - bárimiz úshin asa mańyzdy bolatynyn basa aıtty.

«Biz jergilikti jerlerdegi rýshyldyq pen basqa da usaq bólinýshilerdiń jolyn kesip, otandastarymyzdyń boıynda ulttyq, memlekettik sananyń qalyptasýyna múmkindik beremiz»,- dedi ol.