+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Tarıh shejiresinen syr shertetin arhıvtegi ár qujat qundy – Memlekettik hatshy

2021 jylǵy 22 qyrkúıek 13:47
Bólisińiz:
Tarıh shejiresinen syr shertetin arhıvtegi ár qujat qundy – Memlekettik hatshy

NUR-SULTAN. QazAqparat - QR Memlekettik hatshysy Qyrymbek Kósherbaev ulttyq arhıvtiń mańyzy men róli týraly aıtyp berdi, dep habarlaıdy QazAqparat tilshisi.

Uqsas jańalyqtar
Táýelsizdikke 30 jyl: Mańǵystaý oblysynyń Batyr aýylynda 20 turǵyn úı qoldanýǵa beriledi Atyraýda Jumeken Nájimedenov atyndaǵy kórkem sóz oqý sheberleriniń respýblıkalyq baıqaýy ótti

«Tuńǵysh Prezıdentimiz – Elbasy Nursultan Nazarbaevtyń kemeńgerligi men kóregendiginiń jáe halqymyzdyń taǵattylyǵy men yntymaq-birliginiń arqasynda asqar asýlar men bıik belesterdi baǵyndyrdyq. Eńseli elge aınaldyq. Adam sanasy tuńǵıyǵyna jetip bolmaıtyn, ushy-qıyrsyz tarıhtyń asyl qazynasy ol arhıv. Arhıv – shejire-kenish, shejire-syr. Arhıvtegi dálelder men derekter qory ótkenniń óshpes ónegesin óshirmeı, óskeleń urpaqqa amanattaıtyn aqıqat aınasy. Olaı bolsa mereıli merekemiz Táýelsizdiktiń 30 jyldyǵymen tuspa-tus kelip otyrǵan tarıhtyń qara shańyraǵy Ulttyq arhıvtiń 15 jyldyq mereıtoıy qutty bolsyn. Elimizdiń baıtaq tarıhı shejiresinen syr shertetin arhıvtegi ár qujat qundy. Mundaǵy ár is-qaǵaz óskeleń urpaqqa shashaýy shyqpaǵan kúıde jetkiziledi», - delingen Qyrymbek Kósherbaevtyń «Táýelsizdik jáne Elbasy: jasampazdyqtyń jańa tarıhy» halyqaralyq ǵylymı-praktıkalyq konferentsııa qatysýshylaryna arnalǵan alǵy sózinde.

Onyń aıtýynsha, arhıv mamandaryna júkteletin jaýapkershiliktiń jóni bólek.

«Kez kelgen adam tarıhymyzdyń aqtańdaqtaryn aıǵaqtaıtyn kóneden jetken qoljazbalardan bastap, qazirgi zamanǵy resmı jáne beıresmı qujattar arqyly ata-baba shejiresine úńilip, tyń derekterge qanyq bolady, ótkendi saralap, keleshekti týralaýǵa múmkindik alady. Ótkendi zerdelemeı, keleshektiń órkendemeıtini belgili. Tarıh qoınaýyna tereńdep engen árbir ǵasyrdyń, árbir kezeńniń ózindik mańyzy men erekshelikteri, aıqyndalatyn aıtýly oqıǵalary jáne jylnamalary bar. Osy rette arhıv isine júkteletin jaýapkershilik orasan zor. Arhıv – ata-babalarymyzdyń tarıhyn ǵana emes olardyń arman tilegin, aqyl-oıyn, danalyǵy men daralyǵyn, parasaty men ónege ósıetterin saqtap otyratyn kıeli oryn», - deıdi ol.

Sondaı-aq, Memlekettik hatshy arhıv salasyndaǵy zertteýlerdi qolǵa alý kerektigin eske saldy.

«Arhıv qoryndaǵy árbir qujat ótkendi saralaıtyn, tarıhty túgendeıtin, ekinshi nusqasy joq aqparat. Aıǵaqtar men dáıekter arqyly kómkerilgen tarıhı sana. Túptep kelgende ulttyq sanany qalyptastyratyn qundy qural. Tarıhymyzdyń tereńdigin, Táýelsizdigimizdiń tuǵyryn, memlekettiligimizdiń baıandylyǵyn tórtkúl dúnıege moıyndatýdaǵy Qazaqstan arhıvteriniń róli óte zor. Osy oraıda biz ǵalymdardan ejelgi dáýirden qazirgi zamanǵa deıingi kezeńdi qamtıtyn barlyq otandyq jáne sheteldik muraǵattar dúnıesine eleýli, irgeli zertteýlerdi kútemiz», - dedi Q. Kósherbaev.

Qurmetti konferentsııaǵa qatysýshylar, sizderge shyǵarmashylyq tabys tileımin. Elimizdiń ósip-órkendeýi men keleshegimizdiń kemeldigi jolyndaǵy jasampaz isterińiz nátıjeli bolsyn.

Buǵan deıin habarlaǵanymyzdaı, elordadaǵy Elbasy kitaphanasynda el Táýelsizdiginiń 30 jyldyǵyna men Qazaqstan Respýblıkasy ulttyq arhıviniń 15 jyldyǵyna arnalǵan «Táýelsizdik jáne Elbasy: jasampazdyqtyń jańa tarıhy» halyqaralyq ǵylymı-praktıkalyq konferentsııa ótip jatyr.

Oǵan elimizden bólek, Qyrǵyzstan, Túrkııa, Ózbekstan jáne Reseıden arhıv ókilderi men mamandary qatysyp jatyr.

Atalǵan sharany QR Tuńǵysh Prezıdenti – Elbasy kitaphanasy men QR Ulttyq arhıvi uıymdastyryp otyr.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT