+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Tarazdyqtar jolaqyny elektrondy túrde tóleıtin bolady

2019 jylǵy 16 qańtar 03:02
Bólisińiz:
Tarazdyqtar jolaqyny elektrondy túrde tóleıtin bolady

TARAZ. QazAqparat - Taraz qalasynda qoǵamdyq kólikterge elektrondy bılettendirý qurylǵysyn engizý boıynsha tıisti esepteý jumystary júrgizilip, jańa júıeni júzege asyrýdyń jol kartasy bekitildi. Atalǵan is-sharany 2019-2020 jyldary atqarý josparlanyp otyr, dep habarlaıdy QazAqparat.

«Tsıfrlyq Qazaqstan» memlekettik baǵdarlamasy aıasynda qalalyq baǵyttardaǵy avtobýstarda elektrondy bılettendirý júıesin engizý boıynsha Almaty qalasynda atalmysh júıeni engizgen «Ońaı» kompanııasymen, Reseıdegi «MF Tarıf» kompanııasymen jáne Eýropalyq qaıta qurý jáne damý bankimen kelissózder júrgizilip, bizdiń tarapymyzdan tıisti aqparattar berildi. Osylaısha, ornatýǵa ketetin shyǵyn esepteldi. Oǵan ketetin shyǵyn men ony qarjylandyrýǵa ketetin qarajattyń qaıtarylý merzimi eseptelip, bekitilgen jol kartasyna endi», - delingen oblystyq Jolaýshylar kóligi jáne avtomobıl joldary basqarmasynyń aqparatynda.

Búginde Taraz qalasynda jolaýshylar tasymalymen 10 mekeme aınalysady. Kúndelikti 43 baǵyt boıynsha ártúrli markadaǵy 465 avtobýs pen shaǵyn avtobýs qyzmet kórsetedi. 2018 jyly mekemeler elýge jýyq avtobýs satyp alyp, eskirgen, tehnıkalyq talaptarǵa saı kelmeıtin kólikterdi aýystyrǵan. Jańalaý jumystary áli de jalǵasýda. Sonymen qatar, benzın otynymen júretin 100-ge jýyq avtobýs gaz qondyrǵysymen jabdyqtaldy.

Aıta ketý kerek, 2018 jyldyń basynan jolaýshylarǵa qyzmet kórsetý sapasyn arttyrý maqsatynda tasymaldaýshy mekemeler qarajatyna 115 avtobýsqa «avtoınformator» ornatyldy. Ol jolaýshylarǵa avtomatty túrde aıaldama ataýlaryn, jolaýshylarǵa qalta urlyǵynan saq bolýyn, jol júrý bıletin talap etý qajettigin habarlap otyrady. Mundaı qońdyrǵyny barlyq baǵyttaǵy avtobýstarǵa aldaǵy eki jylda tolyǵymen ornatý kózdelýde.

Eske sala keteıik, ótken jyldyń sońynda qalada jolaýshy tasymalymen aınalysatyn kompanııalardan jol júrý tarıfin 65 teńgeden 90 teńgege deıin kóterý týraly usynys túsken. Osy másele boıynsha tıisti esepteýler júrgizý úshin búgingi tańda tasymaldanatyn jolaýshylar aǵymyna hronometraj uıymdastyrylyp otyr. Aldaǵy ýaqytta anyqtalǵan jolaýshylar kólemin negizge alyp, Kólik jáne kommýnıkatsııa mınıstriniń 2011 jylǵy 13 qazandaǵy buıryǵymen bekitilgen tarıfti esepteý ádistemesi boıynsha qalalyq jol júrý tarıfin qaıta esepteý qorytyndysy usynylatyn bolady.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT