Tarazdyq oqýshynyń kólikpen kanalǵa túsip ketken vıdeosy paıda boldy
2022 jylǵy 28 mamyr 15:07

Tarazdyq oqýshynyń kólikpen kanalǵa túsip ketken vıdeosy paıda boldy

NUR-SULTAN. QazAqparat – Taraz qalasynda ruqsatsyz avtomobıl rýline otyryp, kólikti basqara almaı kanalǵa túsip ketken mektep túlegi áreketiniń vıdeosy jelide tarap jatyr, dep habarlaıdy QazAqparat tilshisi.

Vıdeodan baıqalǵandaı júrgizýshi tez burylýǵa áreket jasaıdy, nátıjesinde kóligimen kanaldaǵy sýǵa túsip ketedi.

Keıin anyqtalǵandaı, avtomobıl rýlindegi oqýshy gaz ben tejegishti shatastyryp alǵan.

Eske sala keteıik, buǵan deıin Tarazda mektep bitirýshi túlektiń kólikpen kanalǵa túsip ketkeni týraly habarlaǵan edik.

Oqıǵa 25 mamyr kúni Taraz qalasynda bolǵan. Mektep bitirgen túlek kólik ıesiniń shyǵyp ketkenin paıdalanyp, rýlge ruqsatsyz otyrǵan.

Atalǵan óńirdegi polıtsııa departamentiniń málimetinshe, rýldegi jasóspirim zardap shekpegen jáne ol kólikte jalǵyz bolǵan.

Sondaı-aq, tártip saqshylary oqýshynyń ata-anasymen profılaktıkalyq áńgime júrgizip, 20 AEK (63 600 teńge) kóleminde aıyppul saldy.


Uqsas jańalyqtar

Jańalyqtar

MURAǴAT