+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Tarazdyq muǵalim: Pedagog mártebesi - barshanyń mereıi

2019 jylǵy 18 qańtar 10:30
Bólisińiz:
Tarazdyq muǵalim:  Pedagog mártebesi - barshanyń mereıi

TARAZ. QazAqparat - Tarazdyq muǵalim «Pedagog mártebesi» týraly zańnama usynysyna qatysty óz oıyn bildirdi. Ol jańa zańnamadan barsha ustazdar qaýymy tek jaqsylyq kútetinin jetkizdi, dep habarlaıdy QazAqparat.

«Qazaqta «Ustaz -uly esim», «Ustazyńdy atańnan da áziz tut» degen danalyq sózder bar. Baıyptaı bilgenge bul sózdiń astarynda aıtarlyq tálim, taǵylym jatqanyn ańǵarý qıyn emes. Iá, biz ustazdyqqa áý bastan-aq joǵary baǵa berip, muǵalim mártebesin bıik sanaǵan elmiz. Alaıda, keıingi jyldary osy ustaz mártebesine nemketti kózqaras tanytyp, osy mamandyq ıeleriniń eńbegin eskerýde aıtarlyqtaı aqsap qalǵanymyz aqıqat. Mine, endi sol olqylyqtyń orny tolǵaly tur», -deıdi Tarazdaǵy erekshe qabiletti balalarǵa arnalǵan mamandandyrylǵan "Daryn" mektep-ınternatynyń qazaq tili men ádebıeti pániniń muǵalimi Bazarbaı Dúısenbaev.

Eske sala keteıik, Elbasy Nursultan Nazarbaev ótken jyly 5 qazandaǵy kezekti Qazaqstan halqyna arnaǵan Joldaýynda óńirlerde ustazdarǵa kez kelgen jumys tapsyrylatynyn, atalǵan máseleni sheshý úshin muǵalim mártebesin aıqyndaıtyn zań daıyndaýdy tapsyrǵan bolatyn.

«Bul degenimiz, shyn máninde de muǵalimniń oqýshy aldynda ǵana emes, jalpy el arasyndaǵy bedelin bıiktetýdiń negizi desek qatelespeımiz. Muǵalimdik mamandyǵy - bul adamtaný, adamnyń kúrdeli jáne qyzyqty, shym-shytyryǵy mol rýhanı jan dúnıesine úńile bilý. Pedagogıkalyq sheberlik pen pedagogıkalyq óner - ol danalyqty júrekten uǵa bilý bolyp tabylady desek, memleket basshysy el bolashaǵynyń jarqyn bolýy jolynda oń bastama kóterdi dep bilemin. Óıtkeni «Ustazy jaqsynyń - ustamy jaqsy» degen bosqa aıtylmasa kerek. Erteńgi el tutqasyn ustar búgingi urpaqtyń bilimdi de bilikti tulǵa bolyp qalyptasýyna muǵalimniń yqpaly orasan. Al, oqýshyǵa rýhanı mol azyq bere alatyn ulaǵatty ustaz bolý úshin asqan qabiletpen qatar qajymas qaırat, tynymsyz eńbek qajet. Jaqsy ustaz ózi de árqashan izdenis ústinde, zaman aǵymyna saı jetilip, tolysyp otyrýy kerek. Sonda ǵana shákirt boı túzep ósetindeı ıdeıal tulǵa, bilim qaınaryna aınala almaq. Ol úshin muǵalimderdiń jumystan tys júktemelerin azaıtý basty talap bolatyn. Bul týraly Elbasymyz óz sózinde basa aıtqany men sekildi kóptegen pedagogtardyń kóńilindegisin tap basqany jasyryn emes»,- deıdi QR-nyń bilim berý uıymynyń úzdik pedagogy atanyp úlgergen jas maman.

Bazarbaı Dúısenbaevtyń aıtýynsha, atalǵan "Muǵalim mártebesi" týraly zań bekitilse, tek osy mamandyq ıeleriniń ǵana emes, ustazyn syılaıtyn talaıdyń armany oryndalady. Tarazdyq muǵalim buryn "Bilim týraly" zańnyń eleýsiz bir babynyń, bir tarmaǵynda ǵana aıtylǵan "Muǵalim mártebesi" týraly uǵymnyń memlekettik deńgeıge kóterilýiniń ózin úlken jeńis sanaıtynyn aıtady.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT