+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Tarazdaǵy temir jol vokzaly kúrdeli jóndeýden ótedi

2020 jylǵy 28 qyrkúıek 06:33
Bólisińiz:
Tarazdaǵy temir jol vokzaly kúrdeli jóndeýden ótedi

TARAZ. QazAqparat – «Qazaqstan temir joly»UK» aktsıonerlik qoǵamy Jambyl oblysynyń ákimi Berdibek Saparbaevqa oblys ortalyǵyndaǵy temirjol vokzalynyń bas ǵımaratyn kúrdeli jóndeý jáne qaıta jańǵyrtý josparyn tanystyrdy, dep habarlaıdy QazAqparat tilshisi oblys ákimdiginiń resmı saıtyna silteme jasap.

Jolaýshylar platformasy men vokzal mańyndaǵy aýmaqtar retke keltirilmek.

Temirjol vokzaly 1986 jyly salynǵan. Aýmaǵy 2,5 myń sharshy metrden asatyn vokzal ǵımaratyna sońǵy kúrdeli jóndeý 2013 jyly júrgizilgen. Bıyl QTJ bas ǵımarattyń qasbetin, ishki jaılaryn jáne jolaýshylar termınalyn qaıta jańartýdy josparlap otyr.

Kompanııa ókilderi Berdibek Saparbaevqa ázirlengen kúrdeli jóndeý jobasyn tanystyrdy. QTJ basqarma tóraǵasynyń orynbasary Serik Ábdenovtiń aıtýynsha, birinshi kezekte jolaýshylar úshin jaǵdaı jaqsara túspek.

«Vokzaldyń ishi óte tar, ony keńeıtý kerek. Bul máseleni sheshý úshin biz túrli nusqalardy qarastyrdyq. Artyq dúńgirshekter alynyp, bılet kassalary vokzal ǵımaratynyń qalaǵa qaraǵan jaǵynan ornatylady. Qarama-qarsy jaǵynda tek perronǵa qaraıtyn vıtrajdar bolady. Sonymen qatar, ǵımarattyń qasbetin de jańartý josparlanýda. Qaptaýǵa arnalǵan tıisti materıaldar tańdalyp, zamanaýı dızaın úlgúisi ázirlengen. Sondaı-aq, jolaýshylar termınaly, qonaq úı, ashana ornalasqan ekinshi qabattaǵy úı-jaılar da jóndeýden ótedi»,-dedi ol.

Óńir basshysy jobany maquldap, vokzalǵa kelýshiler úshin barynsha qolaıly jaǵdaı jasaý qajettigin atap ótti.

«Qysta vokzal ǵımaraty qatty sýyq bolady. Tereze jaqtaýlaryn qaptap, jylý júıesin aýystyrý qajet. Sonymen qatar, nysannyń ınjenerlik jelileri de aýystyrýdy qajet etedi», - dep atap ótti Berdibek Saparbaev.

QTJ ókilderi bul baǵytta da tıisti jumystar júrgiziletindigine sendirdi. Aldaǵy jóndeýdi josparlaý kezinde mamandar sý qubyry, káriz jáne jylý júıelerindegi máseleler men aqaýlardy anyqtaǵan. Qoǵamdyq dárethanadaǵy santehnıka da aýystyrylmaq.

«Bul shyǵyndardyń barlyǵy qazirdiń ózinde jobalyq-smetalyq qunyna engizilgen», - dedi QTJ ókili Aleksandr Kım.

Berdibek Saparbaev vokzal aýmaǵyn tıisti formaǵa keltirý qajettiligine nazar aýdardy. Onyń pikirinshe, barlyq nysandardyń stıli men tujyrymdamasy birdeı bolýy kerek. Bul ásirese qazirgi tańda perrondaǵy ártúrli platformada ornalasqan dúńgirshekterge qatysty.

«Vokzal - kez kelgen qalanyń vızıt kartasy jáne bet-beınesi. Sondyqtan onyń kelbeti zamanaýı jáne tartymdy bolýy tıis, búkil sáýlet biryńǵaı túrge ıe bolǵany abzal», - dep atap ótti aımaq basshysy.

Temirjol vokzaly ǵımaratyn jóndeý jumystary kelesi jyly aıaqtalady dep josparlanǵan. Ony odan ári qala ákimdiginiń kommýnaldyq menshigine berý máselesi qarastyrylyp jatyr.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT