+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Tarazdaǵy sport keshenine Jaqsylyq Úshkempirovtiń esimi beriledi

2020 jylǵy 14 tamyz 16:32
Bólisińiz:
Tarazdaǵy sport keshenine Jaqsylyq Úshkempirovtiń esimi beriledi

TARAZ. QazAqparat – «Taraz-Arena» sport keshenine belgili sportshy, Olımpıada chempıony Jaqsylyq Úshkempirovtiń esimi berý usynyldy. Bul týraly oblys ákiminiń baspasóz qyzmetinen málim etti, dep habarlaıdy QazAqparat tilshisi.

«Jambyl oblysy ákimdigi men máslıhatynyń birlesken usynysy máslıhattyń kezekten tys otyrysynda maquldandy.

Oblys ákimi Berdibek Saparbaev Jaqsylyq Úshkempirovtiń otandyq kúres mektebiniń qalyptasýy men damýyna, qazaqstandyq sporttyń joǵary deńgeıge kóterilýine qosqan úlesin atap ótip, halyq qalaýlylaryna bul bastamany qoldaǵany úshin alǵys aıtty»,- delingen habarlamada.

Nysandy qaıta ataý jónindegi usynys Respýblıkalyq onomastıka komıssııanyń qaraýyna joldanady.

Jaqsylyq Úshkempirov 1951 jyly 6 mamyrda Qazaq KSR Jambyl oblysy Sverdlov aýdany (Baızaq aýdany) Chapaev keńsharynda (Qazirgi Tegistik aýyly) dúnıege kelgen.

Ol grek-rım kúresiniń palýany, sport sheberi (1971), halyqaralyq sport sheberi (1975), Eńbek sińirgen sport sheberi (1980), altyn medalǵa ıe bolǵan qazaqtan shyqqan tuńǵysh Olımpıada chempıony (Máskeý, 1980), álem chempıony (1981), álem kýbogynyń kúmis júldegeri (1982), eki dúrkin Keńes Odaǵynyń chempıony (1975, 1980), Qazaq KSR eńbek sińirgen jattyqtyrýshysy.

Qazaqstannyń eńbek eri, «Barys», «Qurmet» «Parasat» ordenderimen marapattalǵan.

2019 jyly Jaqsylyq Úshkempirovtiń ómiri týraly «Jaqsylyq» kórkem fılmi túsirildi.

J.Úshkempirov 2020 jyldyń 2 tamyzynda dúnıeden ozdy.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT