+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Tarazdaǵy áskerı qoımadaǵy jarylys: ıÝrıı Ilın tyń derekterdi jarııalady

2021 jylǵy 28 qyrkúıek 00:18
Bólisińiz:
Tarazdaǵy áskerı qoımadaǵy jarylys: ıÝrıı Ilın tyń derekterdi jarııalady

NUR-SULTAN. QazAqparat – Jambyl oblysy Baızaq aýdanyndaǵy áskerı bólimniń oq-dári qoımasynda bolǵan jarylystyń sebebi qazan aıynda belgili bolady. Bul týraly «Habar» telearnasynyń «Ulttyq múdde» baǵdarlamasyna suhbat bergen QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.

Uqsas jańalyqtar
SQO-da jasóspirim bala granata taýyp aldy: Turǵyndar evakýatsııalandy Jambyl oblysynda jarylystar estilýde: Qorǵanys mınıstrligi túsinik berdi Somalı astanasynda jarylys boldy, qaza tapqandar bar

«Tarazda oryn alǵan qaıǵyly oqıǵaǵa baılanysty qazirgi ýaqytta tergeý organdary jumysyn jalǵastyryp jatyr. Ótken aptada ǵana Memleket basshysynyń tapsyrmasymen jumys saparyn jasap, qaza tapqandardyń otbasylaryna orden tapsyrdym. Búginde jeke quramnan qaza tapqandardyń jalpy sany - 10 adam. Sol jarylystyń saldarynan 49 mamanymyz zardap shekti, olardyń ishinde ekeýine óte kúrdeli em-dom qajet, al qalǵandary túrli deńgeıde jaraqat aldy. Qorǵanys mınıstrliginiń de qyzmetkerleri qatarynan qaza tapqandar bar. Qazirgi ýaqytta Qorǵanys mınıstrliginiń iz-túzsiz joǵalǵan qyzmetkerin qospaǵanda qaza tapqandar 17 adamǵa jetip otyr.

Al jarylystyń neden shyqqanyn tergeý anyqtaı jatar. Qalaı desek te, búginde qolymyzdaǵy aqparatqa sáıkes, tergeý organdary túrli nusqalarǵa qatysty jan-jaqty jumys istep jatyr. Bul ózdiginen janý, qasaqana órtep jiberý bolýy múmkin. Sondyqtan ýaqyt ta, kútý de qajet.

Týǵan-týystary da «qaýip-qater bolǵan kezde nege jiberdińizder?» dep surap jatyr. «Ofıtserler» degen fılmde aıtylǵandaı, Otandy qorǵaý degen mamandyq bar ekendigin eske salamyn. Bul bizdiń mamandyǵymyzǵa da qatysty. Qutqarýshylar tótenshe jaǵdaıdy kórgen kezde ózderiniń kásibı mindetterin sońyna deıin oryndaýy tıis», - dedi mınıstr.

Vedomstvo basshysynyń atap ótýinshe, Baızaq aýdanyndaǵy áskerı oq-dári qoımasynda jarylys bolǵan kezde oqıǵa ornyna jetken birinshi órt sóndirý bólimshesi nysan basshylyǵynan qandaı táýekeldiń bar ekendigin suraǵan. Qoımada tratıl bar ekendigi, ózge jarylǵysh zattyń joq ekendigi aıtylǵan. Sondyqtan da órt sóndirýshiler qyzyl jalynmen kúreske kirisken.

«Tratıl fızıkalyq qasıeti jaǵynan tutandyrǵyshsyz jarylmaıdy. Ol tek janyp qana ketýi tıis. Beınebaqylaý kameralardan da osyndaı jaıttyń oryn alǵanyn, atalǵan qoımadaǵy tratıldiń qatty janǵanyn baıqaýǵa bolady. Biraq, túptep kelgende jarylys oryn aldy. Menińshe, qazan aıynda jarylystyń qandaı da bir nátıjesi belgili bolady», - dedi ıÝrıı Ilın.

Esterińizge sala ketsek, 26 tamyzda saǵat shamamen 19:00-de Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyǵyp, joıqyn jarylys boldy. Birneshe adam qaza tapty.

Oqıǵaǵa baılanysty QR Prezıdenti Qasym-Jomart Toqaev 29 tamyzdy Jalpyulttyq aza tutý kúni dep jarııalady.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT