+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Tarazda toı tyıylmaı tur: Zań buzǵan kásipkerlerge 10 mln teńge aıyppul salyndy

2020 jylǵy 29 qyrkúıek 07:30
Bólisińiz:
Tarazda toı tyıylmaı tur: Zań buzǵan kásipkerlerge 10 mln teńge aıyppul salyndy

TARAZ. QazAqparat – Taraz qalasynda karantın talaptaryn buzǵan kásip ıelerinen 10 mıllıon teńgege jýyq aıyppul óndirilgen,- dep habarlaıdy QazAqparat tilshisi.

Uqsas jańalyqtar
Oral qalasynda qosymsha shekteý sharalary engizildi Ánshi Qýandyq Rahymnyń qaıynjurty da aıyppul tóleıtin boldy Mańǵystaýda 12 adam úı karantıninde otyr

Dúnıejúzin úreı qushaǵynda ustaǵan bıylǵy pandemııanyń salqyny bizdiń elimizdi aınalyp ótken joq. Alaıda saldary aýyr soqqan indetten oblys ortalyǵyndaǵy meıramhanalardyń ıeleri sabaq almaǵan sekildi. Muny Taraz qalasy ákimdiginiń janynan qurylǵan mobıldik shtabtyń arnaıy uıymdastyrǵan reıdteriniń nátıjesinen kórýge bolady. Atalmysh másele qala ákimdiginde ótken jıynda sóz boldy. Basqosýǵa shahardaǵy meıramhanalardyń basshylary men BAQ ókilderi qatysty.

Taraz qalasynyń ákiminiń orynbasary Almas Sadýbaevtyń aıtýynsha, shaharda salynǵan tyıymǵa qaramastan, meıramhanalardyń meımanasy tasyp, kásibin jalǵastyryp jatqandary bar. Ol ótken senbi, jeksenbi kúnderi meıramhanalardaǵy karantın tártibin saqtaý boıynsha arnaıy reıd uıymdastyrylǵanyn jetkizdi. Reıd barysynda demalys kúnderi jumys isteýge tyıym salynǵan nysandardy zerdeleý kezinde «Sátti», «Búrkit», «Aq saraı», «Sultan saraı», «Zaravshan», «Sevınch», «Erǵalı», «Іnjý-Marjan» syndy birneshe meıramhanada toı-tomalaq bolǵany anyqtalǵan.

«Osy zańsyzdyq boıynsha jergilikti polıtsııa qyzmeti qajetti materıaldardy jınaqtap, ákimshilik shara taǵaıyndaý úshin taýarlar men qyzmetterdiń sapasy men qaýipsizdigin baqylaý departamentine joldaıtyn bolady. Jalpy osy ýaqytqa deıin Taraz qalasy boıynsha 10 mıllıon teńgege jýyq aıyppul óndirildi. Degenmen, qansha tosqaýyl qoıǵanymyzben zańbuzýshylyqtar toqtar emes. Basty másele toı ıelerinde turǵan joq. Eger meıramhana basshylary – sizder, tapsyrys almaı, belgili bir ýaqytqa deıin jumystaryńyzdy toqtata tursańyzdar, myna álemdi ábigerge salyp otyrǵan derttiń ekinshi tolqyny bolmas ta edi», – dep túıindedi Almas Sadýbaev.

Munan soń sóz alǵan Taraz qalasynyń jergilikti polıtsııa qyzmetiniń bólim basshysy, polıtsııa polkovnıgi Sábıt Mamytbekov, meıramhana qojaıyndaryna karantın sharalaryn buzǵany úshin jaýapkershilik baryn eskertip, sanıtarlyq normalardy saqtaýǵa shaqyrady.

Dese de, naýryz aıynan beri jumysy turalaǵan meıramhana ıeleriniń de aıtar ýájdary joq emes. Birqatar meıramhana ókilderi de óz usynystaryn jetkizdi. Jıyn sońynda qala ákiminiń orynbasary Almas Sadýbaev, jıynǵa qatysýshylardy sabyrǵa shaqyryp, birigip jumys jasaýǵa shaqyrdy.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT