+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Tarazda Táýelsizdik merekesine oraı saltanatty shara ótti

2019 jylǵy 13 jeltoqsan 18:54
Bólisińiz:
Tarazda Táýelsizdik merekesine oraı saltanatty shara ótti

TARAZ. QazAqparat – Jambyl oblysynda óndiris kólemi 6,5 paıyzǵa, negizgi kapıtalǵa salynǵan ınvestıtsııa 15 paıyzǵa artty. Bul týraly búgin QR Táýelsizdik kúni merekesine oraı ótken saltanatty sharada oblys ákimi Asqar Myrzahmetov aıtty, dep habarlaıdy QazAqparat tilshisi.

Uqsas jańalyqtar
San-Frantsısko bıylǵy 16 jeltoqsandy Qazaqstan-Amerıka dostyǵy kúni dep jarııalady 28 jylda Qazaqstanǵa qansha ınvestıtsııa tartyldy Jambyl oblysynda 28 jylda 870-ten astam áleýmettik nysan salyndy

Táýelsizdiktiń 28 jylǵy tarıhynda elimizben birge Jambyl óńiri de ósip, órkendeý men jańǵyryp, jańarýdy bastan keshti. Aımaq basshysy saltanatty sharada baıandama jasap, Táýelsizdik taǵylymyna toqtalyp, baǵasyn baǵalaı bilýdiń mańyzdylyǵyn jetkizdi. Sondaı-aq, aımaqta atqarylǵan aýqymdy jumystar barysyn tilge tıek etti.

«Búginde Jambyl oblysy serpindi damý jolyna tústi dep aıtýǵa bolady. Bıyl oblystyń aralyq ekonomıkalyq ósimi 5 paıyzdan asady. Ónerkásip óndirisiniń kólemi 6,5 paıyzǵa, negizgi kapıtalǵa salynǵan ınvestıtsııalar 15 paıyzǵa artty. Bul rette jeke ınvestıtsııalardyń úlesi 20 paıyzǵa artty «, - dedi Asqar Myrzahmetov.

Óńirde, «Eńbek» baǵdarlamasyna 36 myń adam qatysyp, 27 myń adam jumyspen qamtylǵan. 18 myń jańa jumys orny quryldy, onyń ishinde 11,5 myńy turaqty.

«Bilim berý salasynda 15 mektepke deıingi uıym ashyldy, 3 jastan 6 jasqa deıingi balalardy qamtý 100 paıyzǵa jetti. Sondaı-aq, aýyl halqyn alǵashqy medıtsınalyq kómek nysandarymen 100 paıyz qamtý, bıyl 65 medıtsınalyq mekeme salý nátıjesinde bolyp otyr. Jambyldyqtardyń ál-aýqatyn jaqsartýǵa memlekettik jáne salalyq baǵdarlamalar baǵyttalǵan», - dedi Asqar Myrzahmetov.

Shara barysynda QR Prezıdentiniń Jarlyǵyna sáıkes memlekettik jáne qoǵamdyq qyzmette cińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin nagradtalǵan birqatar azamattarǵa marapattary tabystaldy.

Atap aıtsaq, «Qurmet» ordenine ıe bolǵandar qatarynda jazýshy, «Jambyl» jýrnalynyń bas redaktory Nesipbek Dáýtaev, «Qazfosfat» JShS Jambyl fılıalynyń (JJFZ) bas ınjeneriniń orynbasary Aleksandr Malysh, aqyn, eńbek ardageri Shyryn Mamaserikova, oblys ákiminiń apparatynyń basshysy Rústem Dáýlet, «Tarazenergoortalyq» AK basqarma tóraǵasy Baqbergen Máýlenov, Moıynqum aýdanynyń ákimi Máden Musaev, «Meıirim» medıtsınalyq ortalyǵynyń dırektory Gúldara Nurymova, oblysy ákimdiginiń energetıka, turǵyn úı-kommýnaldyq sharýashylyq basqarmasynyń basshysy Nurlan Aldamjarov, oblysy ákimdiginiń mádenıet, arhıvter jáne qujattama basqarmasy basshysynyń orynbasary Sara Mádıeva bar.

Al, «Qazfosfat» JShS «Mıneraldy tyńaıtqyshtar» zaýytynyń №1 tsehynyń slesar-jóndeýshisi Jeksen Ákijanov pen «Jambyl elektr júıesi» fılıalynyń Krasnogor taratý elektr júıesi elektoslesari Edýard Shtark III-dárejeli «Eńbek Dańqy» ordenimen marapattaldy. Bul nagradany Nur-Sultan qalasynda Memleket basshysynyń óz qolynan alǵandar arasynda Taraz qalasynyń turǵyny «Qazaqstan temir joly-Júk tasymaldaý» AQ «Jambyl júk tasymaldaý bólimshesi» Jambyl paıdalaný lokomotıv deposy vagon qaraýshy-jóndeýshisi Nıkolaı Homýtenko da bar ekenin aıtyp ótý kerek.

Sondaı-aq, Taraz qalasynyń turǵyny «Aınury» tatar-bashqurt mádenı ortalyǵy» qoǵamdyq birlestiginiń tóraǵasy Amır Halıkov ІІ dárejeli «Dostyq» ordenimen, Kenen Ázirbaev atyndaǵy Jambyl oblystyq fılarmonııasynyń ártisi Baqyt Shaǵyrbaev «Qazaqstannyń Eńbek sińirgen qaıratkeri» ataǵymen marapattalǵan.

Jıynda ózge de birqatar azamattarǵa «Eren eńbegi úshin», «Shapaǵat» medaldari, QR-nyń «Qúrmet» gramotalary, QR Prezıdentiniń Alǵys haty jáne «Barys» tósbelgisi tabystaldy. Shara sońy jergilikti ónerpazdardyń konýerttik baǵdarlamasyna ulasty.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT