+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Tarazda syıymdylyǵy 50 myń tonna kóterme-taratý ortalyǵy salynyp jatyr

2020 jylǵy 29 mamyr 06:10
Bólisińiz:
Tarazda syıymdylyǵy 50 myń tonna kóterme-taratý ortalyǵy salynyp jatyr

TARAZ. QazAqparat – Jambyl oblysynda jýyq arada jańa saýda úıi jáne 2 kóterme-taratý ortalyǵy ashylady. Oblys ákimi Berdibek Saparbaev nysandardaǵy jumystarmen tanysyp, kásip ıelerin alańdatqan máselelerdi tyńdady, dep habarlaıdy QazAqparat oblys ákimdiginiń baspasóz qyzmetine silteme jasap.

Taraz qalasyndaǵy Tóle bı kóshesinde ornalasqan «Grand Passage» saýda úıi ashylǵan soń, jańa jumys oryny paıda bolyp, jergilikti bıýdjetke qarajat túsedi dep kútilýde. Munda azyq-túliktiń, onyń ishinde áleýmettik mańyzy bar ónimderdiń kóterme saýdasyna eń úlken aýmaq beriletindikten, baǵa turaqtylyǵyn saqtaýǵa arnalǵan logıstıkalyq ortalyq qyzmetin de atqarmaq. Bul jerdegi kóterme saýda Taraz ǵana emes, búkil oblys halqyn qoljetimdi baǵadaǵy sapaly, sondaı-aq sertıfıkattalǵan taýarmen turaqty ári jyl boıy qamtamasyz etedi. Saýda úıiniń jalpy aýmaǵy 50 myń sharshy metrge jýyqtaıdy. Keshen bir mezgilde eki myńnan astam kelýshini qabyldaı alady dep josparlanýda. Bul týraly saýda úıiniń basshysy Aıbek Nurálıev aıtyp berdi.

Aımaq basshysy ǵımarat ishindegi sanıtarlyq jaǵdaı, qaýipsizdik jáne saýdany uıymdastyrý sharalaryna basa mán berdi.

Budan soń B.Saparbaev kóterme-taratý ortalyqtarynyń qurylysyna at bardy.

Salynyp jatqan kóterme-taratý ortalyqtary ónimdi óndirýshilerden satyp alyp, esh buzbastan uzaq ýaqyt saqtaýǵa mindetti. Ortalyqtyń alǵashqysy Tarazda, al ekinshisi Baızaq aýdanynda ornalasqan.

Kóterme-taratý ortalyǵy bazarlar, dúkender, meıramhanalar jáne basqa da bıznes oryndary úshin azyq-túlik taýarlarynyń kóterme saýdasyn uıymdastyrady. Osylaısha, deldaldyq áreketterdi joıyp, jergilikti taýaróndirýshiler ónimderiniń kepildi satylymyn qamtamasyz etý arqyly taýarlardyń qunyn tómendetýge bolady.

Qazirdiń ózinde «Taraz» kóterme-taratý ortalyǵy qoımalarynyń biri tolyqtaı jabdyqtalǵan. Mundaı qoımaǵa bes myń tonnaǵa deıin ónimdi syıǵyzýǵa bolady. Dál osyndaı on qoıma salynbaq. Onda taýarlar ozyq tehnıkalar men salqyndatý tehnologııasynyń arqasynda sapasyn áldeqaıda uzaq saqtaı alady.

Mundaǵy barlyq on qoımanyń qurylysyn aıaqtap, iske qosý úshin kásipkerlerge 10 mlrd teńge qajet. Jobaǵa 500 mıllıon teńge qarjy quıyldy, al qalǵan qarajat sýbsıdııalaý múmkindikterin paıdalana otyryp alynady dep kútilýde.

Al, Baızaq aýdanyndaǵy «Jambyl Logistics BSO» saqtaý qoımalary tolyǵymen daıyn. Basqarýshylardyń aıtýynsha, tek bir problemalyq másele ózekti bolyp tur, ıaǵnı elektr qýatynyń shamasy tym az. Bul problema aldaǵy eki aptada sheshimin tabatyn boldy.

– Qazir jabdyqtardyń sapasy men aımaqty ónimmen tolyq qamtamasyz etý úshin qoımalardy daıyndaý basty másele bolyp otyr. Qajetti temperatýra men jeldetý júıesi jambyldyq fermerlerdiń qoryn uzaq ýaqytqa konservileýge múmkindik beredi. Aqpan aıynda kartop baǵasynyń aspandap ketkeni esterińizde bolar. Sondyqtan osyndaı jaǵdaıdyń aldyn alý úshin ónimdi sapaly saqtaýdy uıymdastyrý qajet, – dedi oblys ákimi.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT