+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Tarazda ortaǵasyrlyq shyǵys úlgisinde salynǵan alyp keshen ashyldy

2019 jylǵy 25 jeltoqsan 20:35
Bólisińiz:
Tarazda ortaǵasyrlyq shyǵys úlgisinde salynǵan alyp keshen ashyldy

TARAZ. QazAqparat – Jambyl oblysynyń 80 jyldyǵyna oraı ashylǵan nysandardyń biregeıi - shahardyń qaq ortasynan oryn alǵan «Kóne Taraz» tarıhı-etnomádenı kesheni. Orta Azııada balamasy joq alyp keshendi Tarazdyń 2000 jyldyq tarıhyn qaıta tiriltken «ǵajaıyp sáýlet qurylysy» dep ataýǵa tolyq negiz bar, dep habarlaıdy QazAqparat.

Myńjyldyqtardyń kýási kıeli ólkeniń rýhanııatyn oıatyp, rýhyn asqaqtatqan, mereıin ósirip, mazmunyn arttyrǵan joba jambyldyqtar úshin teńdesiz tartý bolǵany sózsiz.

Barlyq qurylys barysy orta ǵasyrlyq shyǵys sáýlet stılinde júrgizilgen keshen 2000 jyldan asa tarıhy bar Taraz shaharynyń tarıhı bolmysyn barynsha aıshyqtaı túsýde. Onda barlyǵy 8 nysan qamtylǵan. Olar: «Rýhanııat jáne tarıhtaný» ortalyǵy, «Qolóner sheberleriniń galereıasy», «Kórkemsýret galereıasy», «Oblystyq tarıhı-ólketaný mýzeıi», «Retro-festıval» amfıteatry, «Kórme» pavılony, «Saǵat» stelasy, «Arbat-2» jaıaý júrginshiler alańy. Aıta ketý kerek, ulttyq qundylyǵymyzdy bolashaq urpaqqa jetkizip, tarıhymyzdy tanytýǵa baǵyttalǵan jobaǵa demeýshiler de óz úlesin qosyp, qurylysqa qoldaý kórsetýde.

«Búginde keshendegi 8 nysan boıynsha qurylys-montaj, árleý-bezendirý jumystary tolyǵymen aıaqtaldy. Qurylys jumystaryna barlyǵy 1000-nan astam qurylysshy, 100-dan asa tehnıka jumyldyryldy. Árleý jumystary Samarqand stılindegi kirpishterimen júrgizilýine baılanysty Ózbekstannan arnaıy mamandar tartyldy. Infraqurylymmen qamtý sharalar da tıisinshe oryndalǵan. Jalpy jeti gektarǵa jýyq aýmaqty quraıtyn ortalyqtaǵy qurylys jumystary aǵymdaǵy jyldyń maýsym aıynda bastalyp, jeltoqsan aıynda máresine jetti»,-deıdi shtab basshysy Rahmanqul Baıtelıev.

Aıta keteıik, mundaǵy qurylysqa qajetti materıaldardyń 80 paıyzy otandyq óndiris oryndarynan jetkizilse, qalǵany Samarqan kirpishi, «glazýr» atty tósenishter Qytaı men Ózbekstan memleketterinen ákelindi. Olarmen arnaıy kelisimshart jasalyp, eń sapaly materıaldar paıdalanyldy. Glazýr tósenishteri arnaıy peshterde 1800 gradýsta aldyn-ala ólshemmen daıyndalǵan.

Jalpy keshendegi nysandardyń qabyrǵalaryn árleý jumystaryna 7000 sharshy metrden astam Samarqand kirpishteri, 2000 sharshy metrge glazýr tósenishteri paıdalanylǵan. Árleýge paıdalanylǵan travertın tastarynyń elementteri Qyrǵyzstanda ázirlengen.

Sondaı-aq ár ǵımarattyń syrtqy árleý-bezendirý barysy erekshe, bir-birine uqsamaıdy. Degenmen keshendegi barlyq nysandy bezendirý jumystaryna Aısha bıbi kesenesinde kezdesetin segiz buryshty órnek-bederlerdiń paıdalanylǵanyn aıtyp ótý kerek. Ol Taraz qalasynyń orta ǵasyrlyq kelbetin qalyptastyrýǵa múmkindik berip, kelýshilerge aıryqsha áser etedi.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT