+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Tarazda Muz aıdyny salynady

2020 jylǵy 30 qazan 10:15
Bólisińiz:
Tarazda Muz aıdyny salynady

TARAZ. QazAqparat – Jambyl oblysynyń ortalyǵy Taraz qalasynda shahar shyraıyn arttyratyn kóptegen jobalar júzege asýda, dep habarlaıdy QazAqparat tilshisi oblys ákimdiginiń resmı saıtyna silteme jasap.

Uqsas jańalyqtar
Dopty hokkeı: «Aqjaıyq» Reseı chempıonatyna qatyspaıdy SQO ákimdigi qar ústine tóselgen asfaltqa qatysty jaǵdaıdy túsindirdi «Aqtóbe-Qandyaǵash» tasjolynyń qurylysy bıyl bastalady

Qalanyń barlyq bólikterinde qurylys jumystary júrip jatyr. Jaqynda Qarasý massıvinde «Densaýlyq» parki ashylady. Salaýatty ómir saltyn súıetinder úshin saıabaqta birneshe sport alańdary (fýtbol, basketbol, tennıs), júgirý jolaǵy, velojol, jattyǵý aımaqtary, oıyn alańdary ashylady. Jaıaý júretin jerge zamanaýı jaryqdıodty shamdar, besedkalar men aǵashtar otyrǵyzylady.

Densaýlyq saıabaǵynda dene shynyqtyrý men sportty damytýǵa baǵyttalǵan mádenı-sporttyq sharalar ótkizý jolǵa qoıylady.

Q.Rysqulbekov atyndaǵy saıabaq mańynan «Anaǵa taǵzym» ortalyǵy salynýda. Onda áıelder túrli kýrstarǵa qatysa alady, jańa mamandyq alyp, quqyqtyq jáne psıhologııalyq kómekke júgine alady. Ǵımarattyń aldynda analardyń qurmetine arnalyp eskertkish ornatylady.


Sondaı-aq, «Ulan» stadıonyn qaıta qurý jumystary bastaldy. Búginde qurylysshylar oryndyqtar men fýtbol alańyn aýystyrýda. Stadıon ákimshiligi ornalasqan ǵımarattardyń qasbeti de retke keltirilýde. Qurylys basqarmasynyń usynysy boıynsha sport sektsııalary uıymdastyrylatyn eki qabatty jańa ǵımarat salynýda.

«Mamyr toǵaıy» aımaǵynda da aýqymdy qaıta qurý jumystary josparlanýda.

Al, «Tekturmas» etno-tarıhı keshenin qalpyna keltirýdiń ekinshi kezeńi boıynsha qolǵa alynǵan jumystar aıaqtalýǵa jaqyn. Onda uzyndyǵy 15-20 metr bolatyn panoramalyq panel, aımaqtyń tarıhı nysandarynyń maketteri, jaǵajaı, jasandy sarqyrama salynýda.

Kelesi jyldyń kókteminde Taraz qalasyndaǵy mektepten tys jumys jáne balalar shyǵarmashylyǵy ortalyǵynyń ornynda «Oqýshylar saraıy» ashylady. Qazirgi ýaqytta ortalyq ǵımaratta jóndeý jumystary júrgizilip, qosymsha ǵımarattyń qurylysy júrgizilýde.


«Qoldanystaǵy úıirmelerden basqa, keme, ushaq modeldeý, robototehnıka, IT ortalyǵy, planetarıı, observatorııa klýbtary jumys isteıdi. Biz osy jerdiń atmosferasynyń ózi balalardy shyǵarmashylyqqa shabyttandyratyndaı jaǵdaı jasaýǵa tyrysamyz», - deıdi oblys ákimdiginiń sáýlet jáne qala qurylysy basqarmasynyń basshysy Arman Ábdeshov.

2021 jyly oblys ortalyǵynda birqatar jańa nysandar men qurylystar atqarylady desek, olardyń qatarynda Jastar ortalyǵy, Shyǵarmashylyq úıi, tennıs korttary, jeńil atletıka maneji jáne Muz aıdyny arenasy bar.

«Sporttyq nysandar álemdik deńgeıdegi jarystardy ótkizý úshin halyqaralyq standarttarǵa sáıkes salynady», - dep qosty A.Ábdeshov.

Jańa nysandardyń paıdalanýǵa berilýimen týrıster aǵyny arta túsedi dep kútilýde.


«Bizdiń maqsatymyz – Tarazdy jáne onyń aınalasyn sheteldik qonaqtar úshin tartymdy etý. «Áýlıe-Ata» áýejaıynyń janyndaǵy aýmaq jáne qala aınalasyndaǵy aımaqtar da tıisinshe qalypqa keltirilýde. Oblys ákiminiń tapsyrmasy boıynsha barlyq nysandar biryńǵaı stıl men tujyrymdamaǵa sáıkestendiriledi.

Jaqynda Qazaq handyǵynyń 550 jyldyǵyna arnalǵan eskertkishtiń janynda etnoaýyl paıda bolady. Qalaǵa kelgen týrıster bizdiń shahardyń burynǵy jáne qazirgi kelbeti ózara úndesip turǵandyǵyn birden sezinýi tıis, - deıdi A.Ábdeshov.

Qazirgi tańda arnaıy jumys toby Tarazdyń negizgi kóshelerin túbegeıli ózgertý josparyn qarastyrýda.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT