+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Tarazda koronavırýstan saýyqqandarǵa arnalǵan alǵashqy ońaltý ortalyǵy ashyldy

2020 jylǵy 21 tamyz 08:38
Bólisińiz:
Tarazda koronavırýstan saýyqqandarǵa arnalǵan alǵashqy ońaltý ortalyǵy ashyldy

TARAZ. QazAqparat – Jambyl oblysynyń ortalyǵy – Taraz qalasynda koronavırýs ınfektsııasynan emdelip shyqqandarǵa arnalǵan ońaltý ortalyǵy ashyldy, dep habarlaıdy QazAqparat tilshisi.

Uqsas jańalyqtar
Reseıde bes kún qatarynan koronavırýstan táýligine 800 adam kóz jumdy Koronavırýs juqtyrǵan 230 patsıenttiń jaǵdaıy óte aýyr – mınıstrlik Elimizde koronavırýspen aýyrǵandar sany 875 myńǵa jýyqtady

Koronavırýs naýqastyń aǵzasyna aıtarlyqtaı zııan keltiredi. Patsıenttiń ınfektsııalyq statsıonardan emdelip shyǵýy – densaýlyǵynyń tolyq qalpyna kelgenin bildirmeıdi. Dárigerlerdiń ózi de COVID-19 dertinen ótken adamǵa medıtsınalyq ońaltý qajettigin aıtady.

Osyǵan oraı Taraz qalasynda koronavırýs ınfektsııasyna shaldyqqan adamdarǵa arnalǵan alǵashqy ońaltý ortalyǵy ashyldy.

Jambyl oblysynyń ákimi Berdibek Saparbaev ortalyqty aralap, medıtsınalyq-ońaltý kómeginiń uıymdastyrylý jaǵdaıymen, jabdyqtarmen tanysyp, em alýshylarmen jáne medıtsına qyzmetkerlerimen kezdesti.


«Ortalyq ártúrli deńgeıdegi aýrýǵa shaldyqqan naýqastar úshin árqashan ashyq. Táýlik boıy em alatyndarǵa 120 oryn daıyndalǵan desek, budan bólek biz patsıentterdi ambýlatorııalyq jáne kúndizgi statsıonarǵa qabyldaı alamyz. Bizdiń mekemede oblys ortalyǵy jáne aýdan turǵyndary da ońaltýdan óte alady», - deıdi ońaltý ortalyǵynyń bas dárigeri Dınara Káribaeva.

Aımaq basshysy óńirdiń ár túkpirinen keletin patsıentter úshin 120 tósektiń qanshalyqty jetkilikti ekenin surady. Medıtsına qyzmetkerleri qolda bar tósek-oryn jetkilikti dep sendirdi, óıtkeni aýyr jaǵdaıdaǵy aýrýlardan basqa, 200-den astam adam ortalyqtyń qyzmetin ambýlatorııalyq negizde paıdalana alady.


«Reabılıtologtar men emhanalardaǵy mamandar naýqastardy baǵyttaý shkalasyn jáne baldyq júıe boıynsha emdeý qarqyndylyǵynyń qajetti deńgeıin anyqtaıdy. Aýrýshańdyqtyń sıpaty osy kórsetkishterge baılanysty - ambýlatorııalyq, kúndizgi statsıonar nemese táýlik boıy ornalastyrý bolyp belgilenedi», - dep túsindirdi D. Káribaeva.

Ortalyq qajetti qural-jabdyqtarmen jabdyqtalǵan. Munda Qazaqstan men Lıtvada kásibı daıarlyqtan ótken bilikti dárigerler jumys isteýde. Jańa ortalyqta 75 maman jumys isteıtin bolady. Sonymen qatar, jumysqa onnan astam tar beıindi mamandar tartyldy, sebebi COVID-19 - polıorgandyq aýrý.

Koronavırýspen aýyrǵan kóptegen naýqastarda álsizdik, ókpeniń zaqymdalýyna baılanysty tynys alýdyń qıyńdaýy baıqalady, bul dene tinderinde ottegi almasýynyń buzylýyna ákeledi. Qalpyna keltirý ártúrli joldarmen júredi.


«Medıtsınalyq ońaltýdyń mindeti - fızıoterapııa, emdik dene-shynyqtyrý jáne basqa dástúrli jáne alternatıvti medıtsına kómegimen deneniń buzylǵan fýnktsııalary men naýqastyń densaýlyq jaǵdaıyn barynsha qalpyna keltirý. Mamandar tynys alý júıesin qalpyna keltirý, aǵzanyń kúızeliske ornyqtylyǵy, naýqastardaǵy stressti, mazasyzdyqty nemese depressııany jeńý baǵytynda jumys júrgizýde», - deıdi oblystyq densaýlyq saqtaý basqarmasy basshysynyń mindetin atqarýshy Hamıt Myrzaqasymov.

Alǵashqy jumys kúninde-aq ortalyq COVID-19-men kúreste zardap shekken 30-dan astam medıtsına qyzmetkerin qabyldady.

Ortalyqta qoldanylatyn fızıoterapııalyq emdeýdiń túrli ádisteriniń kómegimen qurysý joıylyp, isiný azaıady, tinderdegi qabyný jáne aýtoımmýndy reaktsııalar tómendeıdi, adgezııalardyń aldyn alady.


«Ókpeniń jumysyn jaqsartatyn tynys alý jattyǵýlary arnaıy jańa qurylǵylardyń kómegimen júzege asyrylady. Aýyr jaǵdaıdaǵy naýqastar asa qatty zoryqtyrmaıtyn trenajerlermen shynyǵady. Naýqasqa bólingen ýaqyt onyń aǵymdaǵy jaǵdaıyna baılanysty. Kúnine orta eseppen 80-nen astam adam emdik deneshynyqtyrý kýrsynan óte alady», - dedi emdik deneshynyqtyrý nusqaýshysy Іzimjan Kıbırov.

Sonymen qatar, ortalyqta qabynýdy basýǵa jáne tynys alý qyzmetin jaqsartýǵa arnalǵan dári-dármektermen aerozoldi terapııasy qoldanylady.

«Bizdiń jasap jatqan isimiz ýaqyttyń talaptaryna jaýap berýi kerek. Ońaltý tek koronavırýs ınfektsııasynan keıin ǵana emes, árdaıym júrgizilýi kerek. Ár aýdanda ońaltý ortalyǵynyń fılıaldary ashylýy tıis. Sondaı-aq, qazir biz koronavırýs pandemııasynyń ekinshi tolqynyna daıyndalyp jatyrmyz. Onyń aǵzaǵa áserin zertteýge, sondaı-aq kez kelgen jaǵdaıǵa daıyn bolý úshin azamattardyń ımmýnıtetin kóterýge ýaqyt bar», - dedi Berdibek Saparbaev.

Kásibı qalpyna keltirý sharalary aýrýdan jáne onyń zardaptarynan tolyq aıyǵýdyń kepili bolyp tabylady. Bul ońaltý ortalyǵynda koronavırýstyq ınfektsııadan qalpyna keltirý sharalary – emdeý nátıjelerin bekitýge kómektesedi.


Berdibek Saparbaev aldaǵy kúnderi ońaltýdan ótýge nıettilerdiń sany artatyndyǵyn, eń aldymen aýyr jaǵdaıdaǵy naýqastarǵa, derten aıyqqan medıtsına qyzmetkerleri men qosymsha qaýipti aýrýlary bar adamdarǵa kómek kórsetý kerektigin aıtyp ótti.

Ońaltýǵa joldamany quramyna qoǵam ókilderi engen arnaıy qurylǵan komıssııa beredi. Munda patsıentter tek ońaltý ǵana emes, sonymen birge psıhologııalyq kómek alady.

Berdibek Saparbaev ortalyqtaǵy em alýshylardy áńgimege tartyp, saýyqtyrýdan ótip jatqan medıtsına qyzmetkerlerine janqııarlyq jumystary úshin alǵysyn aıtty. Olarǵa myqty densaýlyq jáne qatarǵa tez oralýyn tiledi.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT