+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Tarazda kópbalaly júkti ana aýrýhanada kóz jumdy

2019 jylǵy 19 qazan 00:25
Bólisińiz:
Tarazda kópbalaly júkti ana aýrýhanada kóz jumdy

TARAZ. QazAqparat – Taraz aýrýhanasynda kópbalaly júkti áıel kóz jumdy, dep habarlaıdy QazAqparat tilshisi.

Aǵymdaǵy jyldyń 13 qazany kúni marqum Nargıza Sáfıevanyń qan qysymy 160-qa kóterilip, jedel járdemmen úıinen oblystyq Juqpaly aýrýlar aýrýhanasyna jetkiziledi. Onda bir kún boıy qajetti emin qabyldaıdy. Alaıda, ertesine dárigerler kelinshekti kardıohırýrgııalyq ortalyqqa jiberedi.

Jetinshi perzentine aıaǵy aýyr bolǵan kelinshektiń týystary onyń ólimine dárigerlerdi kinálaýda. Bul týraly olar QazAqparat tilshisine aıtyp berdi.

«Qyzym alty balany dúnıege ákeldi. Jetinshisin kútip júrgen. Júreginiń aýyratynyna eshqashan shaǵym aıtqan emes. Júrek aýrýy bar bolsa, balalardy qalaı týatyn edi?», - deıdi marqumnyń anasy Kúltaı Sáfıeva.

Al, 6 balamen jalǵyz qalǵan Bolat Qazınbetov jubaıynyń qazasyna juqpaly aýrýlar mekemesindegi mamandardy aıyptaýda.

«Qan qysymy 60-40 deıdi. 160-tan qysymy ne úshin túsip ketti dep oılaısyzdar? Meniń kúdiktenetinim: dárigerler «peredoz» jasap, qan qysymyn túsirip aldy. Dárigerlerdiń kinási dep oılaımyn. Nege? Óıtkeni, aıaǵy aýyr adamdy ne úshin olar juqpaly aýrýlar aýrýhanasyna aparady? Ne úshin patologııaǵa aparmaıdy? Odan bólek, túnimen ustady. Keıin túske deıin ustady. Soǵan deıin adam analızin bilmeı me?», - deıdi B.Qazınbetov.

Aýrýhanadaǵy ana ólimine qatysty túsinik bergen Densaýlyq saqtaý basqarmasynyń qyzmetkerleri tekseris bastalǵanyn málim etti. Aqparatqa sáıkes, naýqas aýrýhanaǵa tumaýdyń asqynǵan túrimen túsken.

«Dene qyzýy kóterilip turǵan. Ózin jalpy jaısyz seziný, álsizdik – osy shaǵymdarmen ınfektsıonnyıǵa túsken. Tumaýy asqynyp ketken. Bir kúnnen keıin onyń júregi nasharlaǵany anyqtaldy. Sóıtip, ony mamandandyrylǵan «Júrek» medıtsınalyq mekemesine jiberdik. Alaıda, mamandar oǵan kómek kórsete almady. Qazir osy jaǵdaıǵa qatysty tekserý bastaldy. Dárigerlerdiń qateligi anyqtalsa, jaýapqa tartylady», - deıdi oblystyq Densaýlyq saqtaý basqarmasy basshysynyń orynbasary Jibek Isaeva.

Bolat Qazınbetov órt sóndirýshi bolyp jumys isteıdi. Balalarynyń úlkeni 12 jasta bolsa, kishisi besikke bólengen bir jasar sábı.

Bizdiń kanalymyzǵa jazylyńyz:

Basty sózder: Jambyl oblysy, Oqıǵa, Aımaq,
Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT