Tarazda qonaqtar toıdan qashyp ketpek boldy

TARAZ. QazAqparat – Jambyl oblysynyń ortalyǵy Taraz qalasynda karantınge qaramaı toı jasaǵandar anyqtaldy,- dep habarlaıdy QazAqparat tilshisi.

Uqsas jańalyqtar

Almatylyqtardyń 39 paıyzy koronavırýsty qoǵamdyq oryndarda juqtyrǵan

Dýbaıdan ushyp kelgen 4 qazaqstandyqtan koronavırýs tabyldy Koronavırýs: Bir táýlikte Teńiz kenishindegi naýqastar 81 adamǵa kóbeıdi COVID-19-ǵa qarsy vaktsına: Álemdegi jaǵdaı qandaı

Jambyl oblysynyń Polıtsııa departamenti mobıldi toptardyń quramynda azamattarǵa maska rejımin, áleýmettik araqashyqtyqty saqtaý qajettigi týraly eskertýdi, sondaı-aq vırýsty juqtyrýǵa jol bermeý maqsatynda jappaı merekelik sharalardan bas tartýdyń mańyzdylyǵyn túsindirýdi jalǵastyrýda.

Mysaly, oblys ortalyǵyndaǵy mobıldi toptar 80 adamǵa arnalǵan úılený toıynyń ústinen tústi. Mobıldi top ókilderi merekelik sharaǵa tosynnan kirip barǵanda abdyrap qalǵan qonaqtar kelin men kúıeý jigitti tastap, qashyp ketpek boldy.

Týra osyndaı jaǵdaı qaladaǵy kafelerdiń birinde qaıtalandy. Onda 8 adam tekserýshiler kelgende jıynnan ketip qalmaq boldy. Kafe basshylyǵy qonaqtaryna mekeme qyzmetkerlerimen birge artqy esikten shyǵyp ketýge múmkindik jasaǵan.

Bul týraly oblystyq Polıtsııa departamentiniń baspasóz qyzmeti habarlady.

«Polıtsııa qyzmetkerleri zańbuzýshylarǵa túsindirý jumystaryn júrgizip, barlyq is-sharalardy uıymdastyrýshylarǵa qatysty QR ÁQBtK-niń 425-baby «Halyqtyń sanıtarııalyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha ákimshilik hattamalar toltyrdy. Jınalǵan materıaldar ákimshilik jaýapqa tartý úshin sanıtarııalyq-epıdemıologııalyq baqylaý komıtetine joldandy»,-delingen habarlamada.

Polıtsııa departamenti Jambyl oblysynyń barlyq turǵyndary men qonaqtaryna týystary men jaqyndarynyń densaýlyǵyn saqtaý maqsatynda buqaralyq jáne ujymdyq is-sharalardan bas tartýǵa shaqyrady.