+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Tarazda qonaq úı 500 oryndyq jataqhanaǵa aınaldy

2019 jylǵy 4 qazan 03:18
Bólisińiz:
Tarazda qonaq úı 500 oryndyq jataqhanaǵa aınaldy

TARAZ. QazAqparat - Jambyl oblysynda «Bes áleýmettik bastama» aıasynda stýdentterdiń jataqhana máselesi sheshiledi, dep habarlaıdy QazAqparat.

Uqsas jańalyqtar
Senator qurylysy keıinge shegerilgen ýnıversıtet jataqhanasy máselesin kóterdi Shymkentte jańadan salynǵan stýdentter jataqhanasy paıdalanýǵa berildi Shymkentte 29 myńǵa tarta jas kásiptik bilim alýda

QR Tuńǵysh Prezıdenti Nursultan Nazarbaev usynǵan «Bes əleýmettik bastama» aıasynda Jambyl oblysynda ár sala boıynsha birqatar jumystar atqarylyp jatyr. Onyń ishinde, baspanamen qamtý, stýdentterdi jataqhanamen qamtý, eldi mekenderdi gazdandyrý jáne aýyl sharýashylyǵyndaǵy túıini tarqamaǵan máseleler óz sheshimin taýyp keledi. Osy oraıda «Jambyl oblysy jastar uıymdarynyń qaýymdastyǵy» zańdy tulǵalar birlestiginiń uıymdastyrýymen bes áleýmettik bastamanyń oryndalýy boıynsha oblystyq konferentsııa ótti.

Konferentsııada oblystyq bilim basqarmasy basshysynyń orynbasary Talǵat Jamalov Elbasy «Prezıdenttiń bes áleýmettik bastamasy» atty halyqqa Úndeýinde joǵary bilimniń qoljetimdiligi men sapasyn arttyrý, stýdent jastardy jataqhanamen qamtamasyz etý maqsatynda oblysta birqatar jumystardyń atqarylyp jatqanyn málimdedi.

«Stýdentterdi jatahanamen qamtamasyz etý maqsatynda ınvestorlarmen aıtarlyqtaı jumys júrgizdik. Sondaı-aq «Atameken» kásipkerler palatasynda jınalystar ótip, «Qarjy ortalyǵy» aktsıonerlik qoǵamy tarapynan mamandar kezdesýler uıymdastyryldy. Elbasynyń atalǵan Úndeýindegi maqsat-mindetter boıynsha búginde onyń qurylysy bastalyp ketti. TarMPÝ boıynsha jataqhananyń jobasy daıyn. Tek ony salatyn jer máselesi sheshilse boldy. Ol da áne-mine sheshilip qalýy kerek«, - deıdi Talǵat Jamalov.

Sondaı-aq TIGÝ burynǵy «Taraz» qonaq úıin satyp alý arqyly jataqhana máselesin túbegeıli sheshkeli otyr. ıAǵnı, atalǵan qonaq úıdi 500 stýdentke shaqtap, ǵımaratqa jańǵyrtý jumystaryn júrgizip jatyr. Sátin salsa, jataqhananyń qurylysy osy aıda bitedi.

«Al kolledjderge kelsek, oblys ortalyǵynda Jambyl medıtsınalyq kolledji men Abaı atyndaǵy Jambyl gýmanıtarlyq kolledjiniń stýdentteri baspanaǵa muqtaj. Naqtyraq aıtqanda, atalǵan eki kolledjge 650 oryndyq jataqhana kerek. Búginde ol máseleni sheshý úshin ınvestorlarmen jer máselesi men qarjy máselesin sheshý úshin kelissózder júrgizilip jatyr. Demek, atalǵan jumystar kelesi jyly bastalyp, jańa oqý jylyna deıin bitýi kerek. Sondaı-aq Merki aýdanyndaǵy №9 kolledjge de 100 oryndyq jataqhana salý qajet. Qazirgi tańda ınvestor tabylyp qoıdy. Endi jer máselesi sheshilse jumystar bastalmaq. Mundaǵy jumys ta jańa oqý jylyna deıin tolyq aıaqtalýy tıis. Demek, keler jyly kolledjderde eki jataqhana paıdalanýǵa beriledi», – dedi Talǵat Salqanuly.

Aıta keteıik, «Jambyl oblysy jastar uıymdarynyń qaýymdastyǵy» zańdy tulǵalar birlestigi Aqparat jáne qoǵamdyq damý mınıstrligi «Azamattyq bastamalardy qoldaý ortalyǵy» kommertsııalyq emes aktsıonerlik qoǵamynyń memlekettik grant ıegeri atanǵan bolatyn. Іs-shara osy atalǵan grant aıasynda ótkizildi.

Bizdiń kanalymyzǵa jazylyńyz:

Bólisińiz:

Avtor:

Baqytjan Serikuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT