+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Tarazda kommýnaldyq kásiporyn jylýdyń baǵasyn sebepsiz qymbattatýǵa tyrysqan

2021 jylǵy 6 tamyz 10:01
Bólisińiz:
Tarazda kommýnaldyq kásiporyn jylýdyń baǵasyn sebepsiz qymbattatýǵa tyrysqan

TARAZ. QazAqparat - Qarjylyq monıtorıng agenttigi kommýnaldyq qyzmetter baǵasynyń negizsiz kóterilýiniń jolyn kesti, dep habarlaıdy QazAqparat.

Kommýnaldyq qyzmetterge tarıfterdiń ósýi – qazaqstandyqtardy tolǵandyratyn kúrdeli áleýmettik máseleniń biri. Qarjylyq monıtorıng agenttigi tutynýshylardyń múddelerin qorǵaýdy qamtamasyz etý úshin birqatar sharalar qabyldaıdy.

Agenttik «Tarazenergoortalyǵy» AQ basshylyǵyna qatysty jabdyqty jóndeýge jalǵan jumsalǵan 2,2 mlrd teńgeni jymqyrý deregi boıynsha júrgizilgen tergep-tekserý sheńberinde «Tabıǵı monopolııalar týraly» zańyn buzý qosymsha derekteri anyqtady.

Atap aıtqanda, aktsıonerlik qoǵam 2022-2026 jyldary jylý energııasy tarıfin turǵyndarǵa 2 ese, bıýdjettik uıymdarǵa 3,6 ese jáne zańdy tulǵalarǵa 3,2 ese arttyrmaq bolǵan.

Monopolıst tarıfterdiń kóterilýin JEO-4 jabdyǵyn jóndeýge jumsalǵan shyǵyndardyń ulǵaıýymen túsindirdi.

Qabyldanǵan sharalardyń nátıjesinde aktsıonerlik qoǵamnyń tarıfterdi ulǵaıtý týraly ótinimin Jambyl oblysy Tabıǵı monopolııalardy retteý komıtetiniń departamenti qabyldamaı, sol arqyly oblys tutynýshylarynyń shektelmegen tobynyń quqyǵy qorǵalyp qaldy.

QR QPK 201-babynyń talaptaryna sáıkes sotqa deıingi tergep-tekserýdiń ózge de derekteri tergeý múddesine oraı jarııalanbaıdy.

Іs boıynsha tergep-tekserý jalǵasýda.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT