+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Tarazda «Qazaq halqyna myń alǵys» monýmenti boı kóterdi

2020 jylǵy 24 qyrkúıek 15:19
Bólisińiz:
Tarazda «Qazaq halqyna myń alǵys» monýmenti boı kóterdi

TARAZ. QazAqparat – Taraz qalasynda elimizdegi ózge ult ókilideriniń qazaq halqyna degen alǵysynyń sımvolıkalyq belgisi retinde «Qazaq halqyna myń alǵys» monýmenti boı kóterdi, dep habarlaıdy QazAqparat tilshisi.

Uqsas jańalyqtar
Tarazda nan baǵasy oblys ákimdiginiń aralasýymen qaıta arzandady

Jańa monýment «Arbat-1» jaıaý júrginshiler alleıasynda oryn tepken. Onyń qurylysyn «Temir-Baılyq» jaýapkershiligi shekteýli seriktestigi júrgizgen. Bıiktigi 30 metr nysannyń qurylysyna 158 mıllıon teńge qarjy jumsalǵan.

Nysanmen tanysqan Jambyl oblysynyń ákimi Berdibek Saparbaev monýment Elbasy Nursultan Nazarbaevtyń tapsyrmasy aıasynda boı kótergenin atap ótti.

«Qazaqstan halqy Assambleıasy eldegi ultaralyq qatynastardy nyǵaıtý jolynda aýqymdy jumystar atqarýda. Biz soǵys, asharshylyq, repressııa sekildi kóptegen qıyndyqtardy birge eńsergenbiz, ony búgingi urpaq jete bilip, túsinýi ári este saqtaǵany asa mańyzdy. Qazaqtar baýyrlas halyqtarǵa qıyn-qystaý kezeńderde qol ushyn sozyp, baýyryna basa bildi. Bul eskertkish olardyń qazaq halqyna shyn júrekten alǵys bildirýiniń belgisi. Eń bastysy – elimizde turatyn barlyq etnostardyń dostyǵy, beıbitshiligi men yntymaǵy. Elimizdiń Tuńǵysh Prezıdenti – Elbasy Nursultan Nazarbaev barlyq qazaqstandyqtar teń jaǵdaıda ómir súrýi kerek dep únemi aıtyp keledi. Sondyqtan ár etnostyń óz tilin, dástúrin, ádet-ǵurpyn jáne mádenıetin saqtap qalýy úshin kóp kúsh jumsaldy. Bizdiń táýelsizdik jyldaryndaǵy eń mańyzdy jetistigimiz – saqtalyp, nyǵaıyp kele jatqan ultaralyq dostyǵymyz», - dedi oblys ákimi.


Al «Dnepro» ýkraın etnomádenı birlestiginiń tóraǵasy Fedor Klımenko barsha etnostardyń atynan qazaq halqyna alǵysyn bildirdi. Sonymen qatar M.H.Dýlatı atyndaǵy Taraz óńirlik ýnıversıtetiniń «Qazaqstan halqy Assambleıasy» kafedrasynyń meńgerýshisi Parıda Imanjanqyzy sóz sóılep, monýmenttiń taǵylymy teńdesiz ekenin jetkizdi.

Tilshiler sózge tartyp kórgen qala turǵyndary da demalys ornynda janǵa jaılynyń bári bar ekenin aıtyp, oblys ákimdigine alǵysyn jaýdyrdy.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT