+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Tarazda IT mamandar ázirlegen qosymsha onlaın oqytýǵa paıdalanylyp otyr

2020 jylǵy 8 sáýir 09:05
Bólisińiz:
Tarazda IT mamandar ázirlegen qosymsha onlaın oqytýǵa paıdalanylyp otyr

TARAZ. QazAqparat – Jambyl oblysynyń ákimi Berdibek Saparbaev Taraz qalasyndaǵy birqatar áleýmettik nysandardyń jumysymen tanysty, dep habarlaıdy QazAqparat Jambyl oblysy ákiminiń baspasóz qyzmetine silteme jasap.

Oblys basshysy aldymen aqpan aıynda ashylǵan 120 oryndyq «Kids Hub» ınklıýzıvti balabaqshasyna bardy. Bul jobaǵa shamamen 20 mıllıon teńge jeke ınvestıtsııa salynǵan. Búgingi kúni munda 16 maman jumys isteýde, onyń úsheýi Máskeýde oqyp kelgen. Ortalyqta bilikti mamandar erekshe balalarǵa arnalǵan keshendi qyzmetter kórsetedi. Munda balalar men ata-analar bir jerden massaj, basseın, pedıatr, logoped, defektolog sııaqty qajetti qyzmetterdi ala alady.

Berdibek Saparbaev atalǵan jobany joǵary baǵalap, óńirde erekshe balalarǵa arnalǵan osyndaı áleýmettik mekemelerdi kóptep ashý qajettigin atap ótti.

Budan soń aımaq basshysy «Taraz HUB» IT-ortalyǵynda boldy. Ortalyqta IT-tehnologııalar boıynsha mamandar daıarlanýda. Shákirtter startap-jobany damytý, 3D-modeldeý baǵdarlamalary men robototehnıka, grafıkalyq dızaın jáne taǵy da basqa baǵyttar boıynsha oqytylady. Onda barlyǵy 20 kompanııa qamtylǵan desek, olardyń qatarynda bastaýshy startaperler bar.

Búginde atalmysh IT-ortalyǵynyń mamandary oblystyń barlyq kolledjderine Zhambyltipo.kz qosymshasyn ázirlep, engizgen. Qosymshanyń arqasynda qazirgi karantın jaǵdaıynda pedagogtar men oqýshylar oqý protsesin onlaın rejımde jalǵastyrýda.

Sondaı-aq, oblys ákimi «Tsıfrlyq Qazaqstan» baǵdarlamasy aıasynda iske qosylǵan daryndy balalarǵa arnalǵan mamandandyrylǵan ІT-lıtseı-ınternatynda bardy. Búginde munda 160 bala turaqtap, bilim alýda. Bilim berý nysany zamanaýı qural-jabdyqtarmen jáne ozyq tehnologııalarmen qamtamasyz etilgen.

Búgingi kúni munda segiz synyp, 12 oqý kabıneti, eki kompıýterlik kabınet, kitaphana, LMK, STEM–zerthana, Web-baǵdarlamalaý, robototehnıka kabınetteri bar. Sondaı-aq sport jáne akt zaldary, ashanamen qamtylǵan. IT lıtseı-ınternatta oqytý baǵdarlamasy úsh tilde júrgizilýde.

Aldaǵy ýaqytta munda 300 oryndyq qosymsha nysan qurylysyn salý josparlanýda.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT