+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Tarazda «Densaýlyq» parki ashyldy

2021 jylǵy 19 maýsym 16:07
Bólisińiz:
Tarazda «Densaýlyq» parki ashyldy

TARAZ. QazAqparat – Tarazda «Densaýlyq» mádenıet jáne demalys saıabaǵy ashyldy.

Saıabaq qurylysy el táýelsizdiginiń 30 jyldyǵyna oraı oblys ákimi Berdibek Saparbaevtyń bastamasymen qolǵa alynǵan «Tarazǵa tartý» jobasy aıasynda júzege asqan,- dep habarlaıdy QazAqparat tilshisi.

Taraz qalasyndaǵy Qarasý shaǵynaýdanynda boı kótergen demalys ortalyǵynyń ashylý saltanatyna aımaq basshysy arnaıy qatysyp, sala mamandaryn merekelerimen quttyqtady.

«Árbir adam úshin eń qymbat baılyq – densaýlyq. Basy aýyryp, baltyry syzdaǵan jannyń dárigerge barmaıtyny kemde-kem shyǵar. Ásirese, mynandaı indet kezinde, aq halatty abzal jandardyń qadiri arta túskeni shyndyq. Qaýip-qaterge qaramastan, sizder árbir naýqastyń ómirin saqtap qalý úshin kúrestińizder, basqasyn aıtpaǵanda, bir jarym jyldyń ishinde sizderdiń jasaǵan eńbekterińiz ushan-teńiz. Kún demeı, tún demeı, sharshamaı, erinbeı jumys istedińizder. Sol qajyrly eńbekterińizben myńdaǵan qazaqstandyqtardyń ómirin saqtap qaldyńyzdar. Árıne, indet ońaı soqqan joq. Qanshama azamattarymyzdan aıyryldyq, onyń ishinde sizder de áriptesterińizdi joǵalttyńyzdar. Olardyń eńbekteri eshqashan umytylmaıdy. Іndetti eńserip kele jatqanymyzdyń ózi elimizdiń birligi men yntymaǵynyń arqasy», - deı kele Berdibek Saparbaev sala mamandaryn quttyqtady.


Koronavırýs ınfektsııasyna qarsy kúreste jambyldyqtar 20 medıtsına qyzmetkerinen aıyryldy. Saıabaqta olardyń qurmetine arnaıy eskertkish boı kótergen. Eskertkish tuǵyryndaǵy «Ózgege shamshyraq bolyp, ózim óshem» degen jazý eshkimdi de beı-jaı qaldyrmasa kerek. Eskertkishti arnaıy Nur-Sultan qalasynda turatyn jerlesimiz, músinshi Bektýr Maırın segiz kúnniń ishinde jasap shyqqan eken. Sondaı-aq, ondaǵy «Sizdiń densaýlyǵyńyz óz qolyńyzda» atty stella da densaýlyqtyń adam úshin qanshalyqty mańyzdy ekenin meńzep turǵandaı.

Saıabaqta dene shynyqtyrýmen belsendi túrde aınalysýǵa jáne balalardyń oınaýyna da barlyq múmkindikter jasalǵan. Ústel tennısi, vorkaýt, fýtbol, basketbol jáne balalar alańshasy da kelýshiler úshin árdaıym ashyq bolmaq.

Óńir basshysy saıabaqty aralap kórip, ondaǵy oıyn kóriginin qyzdyrǵan balalarǵa arnaıy syılyqtar úlestirdi. Oblys ákiminiń kelýin kútip júrgen turǵyndar da rahmetin aıtyp, aqjarma tilekterin jetkizdi. Buryn bul mańdaǵy jaǵalaýdyń bári qamys basyp qaraýsyz qalǵan bolatyn. Mine, búgin de adam tanymastaı ózgergen. Asyr salyp oınaǵan balalardyń da qýanyshynda shek joq.

«Mynandaı qamys pen qoqys basqan jerdi az ýaqyttyń ishinde gúldendirip, saıabaqqa aınaldyrady degen oı úsh uıyqtasaq túsimizge kirgen emes. Osynyń barlyǵy balalarymyzdyń bolashaǵy úshin jasalyp jatqanyn túsinemiz. Jas jetkinshekterge salaýatty ómir saltyn nasıhattaıtyn, atyna zaty saı «Densaýlyq» demalys ornyna aınalatynyna senemiz», - deıdi qala turǵyny Shýra Qosshybaeva.

Aıta keteıik, saıabaqtyń qurylysyna medıtsına qyzmetkerleri bir kúndik eńbekaqysyn aýdaryp, óz úlesterin qosqan. Qoldaý kórsetken demeýshiler de bar. Saıabaq aýmaǵy – 5 gektar. Kanaldyń jaǵalaý aımaǵynda ornalasqan. Onda 1000-nan astam kóshet, raýshan gúlder otyrǵyzylǵan. Sýburqaqtar men kishkentaı sáýletti músinder de saıabaqqa ózgeshe sán berip tur.

Shara sońynda oblys ákimi Berdibek Saparbaev pen oblystyq máslıhat hatshysy Mahmedqalı Sarybekov sala mamandaryn «Eńbek ardageri» medalimen, «Densaýlyq saqtaý isine qosqan úlesi úshin», «Densaýlyq saqtaý isiniń úzdigi» tósbelgilerimen jáne «Oblysqa sińirgen eńbegi úshin» medalimen marapattady.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Dana Telıatnıkova Kaz
Dana Telıatnıkova Kaz
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT