+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Tarazda dene shynyqtyrý-saýyqtyrý kesheni ashyldy

2020 jylǵy 2 jeltoqsan 06:21
Bólisińiz:
Tarazda dene shynyqtyrý-saýyqtyrý kesheni ashyldy

TARAZ. QazAqparat –Tuńǵysh Prezıdent kúni Taraz qalasynda dene shynyqtyrý-saýyqtyrý kesheni ashyldy, dep habarlaıdy QazAqparat tilshisi.

Keshenniń qurylysyna 288 mıllıon teńge bólingen. Nysannyń ashylý saltanatyna Jambyl oblysynyń ákimi Berdibek Saparbaev qatysty.

«Memleket el turǵyndarynyń densaýlyǵyn arttyrý úshin barlyq jańdaıdy jasaýda, óıtkeni deni saý ult árqashan básekege qabiletti bolady. Bıyl sportty damytýǵa 8 mlrd-tan astam teńge bólindi. Osyndaı qoldaýdyń nátıjesinde, mine, taǵy bir zamanaýı keshen ashylýda. Bul jas urpaqtyń densaýlyǵyn nyǵaıtýǵa jáne turǵyndardy júıeli túrde sportpen aınalysýyna yqpal eteri sózsiz. Keshen tańerteńnen keshke deıin, ásirese demalys kúnderi de jumys isteýi tıis. Sonda ǵana balalar ózderine yńǵaıly ýaqytta jattyǵa alady», - dedi Berdibek Saparbaev.

Oblys ákimi keshendi aralap, jas sportshylarmen áńgimege tartty. Jańa keshende basketbol, voleıbol, gandboldan jarys ótkizýge, jattyǵýǵa arnalǵan zaldary bar. Sonymen qatar medıtsınalyq kabınetter bar. Boks, armrestlıng, kúres, karate sektsııalary ashylǵan.


Keshen dırektory Marat Stamqulovtyń aıtýynsha, qazirdiń ózinde sport sektsııalaryna 500 oqýshy jazylǵan.

«Men armrestlıngpen birneshe jyldan beri aınalysamyn. Endi jańa keshende jattyǵatyn bolamyn. Mundaǵy zaldar keń, jaryq jáne jyly. Munda tek kásibı sportshylar ǵana emes, sport demalysyn unatatyndarǵa da kelýge bolatyny qýantady», - deıdi №39 orta mekteptiń oqýshysy Aıaýlym Qudaıbergenova.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT