+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Tarazda azyq-túlik baǵasyn 4 mobıldik top tekseredi

2020 jylǵy 20 qarasha 02:14
Bólisińiz:
Tarazda azyq-túlik baǵasyn 4 mobıldik top tekseredi

TARAZ. QazAqparat – Taraz qalasynyń 12 iri saýda oryndaryndaǵy baǵalardy monıtorıngileý boıynsha 4 mobıldik top qurylǵan, dep habarlaıdy QazAqparat tilshisi.

Pandemııasy kezinde turǵyndarǵa salmaq salynbaý úshin baǵalardyń negizsiz ósýine jol bermeý mańyzdy. Osy maqsatta Taraz qalasynyń negizgi 12 iri saýda oryndarynda baǵalardy monıtorıngileıtin 4 mobıldik top jasaqtaldy. Bul týraly búgin Óńirlik kommýnıkatsııalar qyzmetiniń alańynda ótken brıfıngte Jambyl oblysy ákimdigi aýyl sharýashylyǵy basqarmasy basshysynyń orynbasary Jandos Jaqypov aıtyp berdi.

Spıker aldymen áleýmettik mańyzy bar azyq-túlik taýarlarynyń baǵasyn turaqtandyrý sharalaryna toqtaldy.

«Bıdaı baǵasynyń turaqsyzdyǵy keıbir azyq baǵasynyń ózgerýine áser etýde. Baǵalardyń kóterilýin boldyrmaý úshin burynǵydaı bıdaıdyń memlekettik qoryn jınaqtaý jolyn qarastyrý qajet»,-dedi Jandos Jaqypov.

Spıkerdiń sózinshe, bir jyl ishinde qaraqumyq baǵasy 33 paıyzǵa, ósimdik maıy 13,9 paıyzǵa, sábiz 14,9 paıyzǵa, kartop 16,1 paıyzǵa jáne sary maı 11,5 paıyzǵa óskendigi baıqalǵan. Osylaı mundaı ónimderdiń jyldyq ósim dınamıkasy ınflıatsııaǵa ushyraǵan. Al, ótken aptada taýyq jumyrtqasy 2,1 paıyzǵa, kúbaǵys maıy 1,9 paıyzǵa, qyryqqabat 1,2 paıyzǵa kóterilgen.

Taýar baǵalarynyń qymbattaýyna bıdaıdan bólek syrtqy naryqtaǵy kúnbaǵys dániniń, qyryqqabattyń, taýyq jumyrtqasynyń ımporty áser etken.

«Oblys ortalyǵynda 12 saýda ornynda ashylǵan arnaıy áleýmettik sórelerde azyq-túlik tómen baǵada saýdalanýda. Budan bólek 7 áleýmettik dúńgirshektiń qyzmeti turaqty túrde júrýde. Onda jyl basynan 954,3 tonna bolatyn jalpy sany 11 áleýmettik taýar túri naryq baǵasynyn 8-20 paıyzǵa tómen baǵada satylǵan. Al, búginde oblystaǵy turaqtandyrý qorynyń qoımasynda 2273,6 tonna áleýmettik azyq-túlik taýarlary bar»,-deıdi J.Jaqypov.

Qazirgi tańda turaqtandyrý qorynyń esebinde 837,3 mln. teńge qarajat bar desek, onyń 154 mln. teńgesin qarasha aıynan bastap aınalymǵa qosyp, saýda jelileri men taýar óndirýshilerge nesıe retinde berilýde eken.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT