Tarazda alǵash ret jasalǵan torakotomııalyq kúrdeli ota sátti

TARAZ. QazAqparat – Tarazda alǵash ret torakotomııalyq kúrdeli ota jasaldy,- dep habarlaıdy QazAqparat tilshisi.

Uqsas jańalyqtar

Koronavırýsqa shaldyqqandardyń kóbi aýyr jaǵdaıda túsip jatyr – aqtóbelik dáriger

Koronavırýs juqtyrǵan Meırambek Besbaev qazaqstandyqtardy saq bolýǵa shaqyrdy Elordada COVID-19 indetiniń ósýi baıqalady Almatyda dárigerler qaterli isigi bar 81 jastaǵy naýqastyń ómirin qutqaryp qaldy

Jambyl oblysynda 65 jastaǵy Taraz qalasynyń turǵynyna torakotomııalyq kúrdeli ota túri jasaldy. Aq halattylardyń aıtýynsha, ota barysynda ókpeni bóletin keýde aımaǵynda damıtyn sırek kezdesetin isik alynyp tastalyp, iri qantamyrlar men aortanyń medıaldy qabatynyń destrýktsııasy men álsireýi nátıjesinde damıtyn anevrızmaǵa (qantamyr qabyrǵasynyń nemese júrek qabyrǵasynyń solqyldap, bultıyp shyǵyp turýy) jol ashyldy. Adam ómirine qaýipti bolyp sanalatyn bul aýrý túrine jasalǵan hırýrgııalyq aralasýdan soń patsıenttiń tiri qalýy ekitalaı. Aımaqta tuńǵysh ret jasalǵan bul kúrdeli ota túrin oblystyq kópbeıindi aýrýhanasynyń joǵary sanatty, bilikti hırýrg-onkologtary Jandos Seıdahmetov pen Marat Qalıev jasady.

Sátti ótken operatsııadan soń, segizinshi táýlikte naýqas úıine shyǵaryldy. Búginde jaǵdaıy jaqsy, burynǵy aýrý belgisine shaǵymy joq. Ózin ómirge qaıta kelgendeı sezinetinin aıtady.

«Torakotomııa – hırýrgııalyq protsedýralardyń biri bolyp tabylady. Bul medıastınanyń jáne keýde qýysynyń múshelerine qol jetkizý úshin keýde qýysyn ashýdy qamtıdy. Torakotomııaǵa ókpeniń, plevranyń, óńeshtiń, medıastınaldy organdardyń ártúrli aýrýlary jatady. Olar: isikter, týberkýlez, irińdi protsester, konservatıvti ádistermen emdelmeıtin jaraqattar. Operatsııa shuǵyl nemese josparly, dıagnostıkalyq jáne terapııalyq bolýy múmkin. Kóbinese onkologııalyq aýrýhanalar men ftızıatrııa hırýrgtary isik patologııasy men týberkýlezdiń keń taralýyna baılanysty torakotomııaǵa júginedi. Sátti torakotomııa úshin patsıentti muqııat daıyndaý, barlyq yqtımal táýekelderdi baǵalaý jáne operatsııadan keıingi kezeńde aýyr asqynýlarǵa ákelýi múmkin sebepterdi joıý óte mańyzdy»,-deıdi J.Seıdahmetov.