+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Tarazda 85 jastaǵy júrgizýshi ájeı 60 jylda bir de bir ret jol erejesin buzbaǵan

2020 jylǵy 26 qazan 18:28
Bólisińiz:
Tarazda 85 jastaǵy júrgizýshi ájeı 60 jylda bir de bir ret jol erejesin buzbaǵan

TARAZ. QazAqparat – Jambyl oblysy polıtsııa departamentiniń bastyǵy, general-maıor Janat Súleımenov óńirdegi eń tártipti júrgizýshimen kezdesti, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Lıdııa Aleksandrovna Sıdorenko 85 jasta, júrgizýshi stajy - 61 jyl. Ájeıdi jolda ózin tártipti ustaýdyń naǵyz úlgisi dep aıtýǵa bolady. Ol osy ýaqytqa deıin bir de bir márte jol erejesin buzbaǵan.

Ájeı osy ýaqytqa deıin barlyǵy 4 avtomobıl júrgizgen eken, aldymen «Moskvıch-8», keıinnen «Moskvıch - 2140» kóligi bolǵan. Ony 1990 jyly aqshyl-sary tústi «VAZ-2106» -ǵa almastyrǵan. Al 2011 jyldan beri «Volga» GAZ-24 kóligin áli kúnge deıin ózi júrgizip keledi.

Júrgizýshi kýáligin 1959 jyly Jambyl qalasynda alǵan ájeı eshbir kólik uıymynda jumys istemegen. Uzaq jyldar boıy oblystyq tutynýshylar odaǵynda eńbek etken. Jergilikti polıtsııa qyzmeti basqarmasynda Polıtsııa departamentiniń bastyǵy general-maıor Janat Súleımenov Lıdııa Sıdorenkomen kezdesti. Basqarma aýlasynda qatarlasyp – «Volga», «Moskvıch», «Jıgýlı» markaly jeti retromashınalar boı túzegen bolatyn. Olardyń keıbirin Lıdııa Aleksandrovna ózi júrgizip, jas qyzmetkerlerge kólik aıdaýdaǵy sheberligin kórsetti.

«Kóptegen jyldar boıy Qazaqstan Respýblıkasynyń zańdaryn jáne jol qozǵalysy erejelerin qatań saqtap, joǵary sana men jaýapty azamattyq pozıtsııa ustanǵanyńyz úshin Sizge shyn júrekten alǵysymdy bildiremin. Azamattarymyzdyń arasynda júrgizýshiler tártibin qalyptastyrýǵa, nyǵaıtýǵa qosqan úlesińiz zor dep oılaımyn. Sizge zor densaýlyq, uzaq ǵumyr, otbasyńyzǵa amandyq pen bereke tileımin», – dedi Janat Súleımenov.

General Lıdııa Sıdorenkoǵa Alǵys hat, shoq gúl jáne qundy syılyq tapsyra otyryp, ystyq yqylasyn bildirdi.

Óz kezeginde Lıdııa Sıdorenko Polıtsııa basshylyǵyna qamqorlyǵy men yqylasy úshin alǵys aıtyp, júrgizýshilerge aqyl-keńesin jetkizdi.

«Qurmetti júrgizýshiler! Jol qozǵalysy erejelerin múltiksiz saqtańyzdar, jol ústinde júrgizýshi retinde bir-birlerińizdi syılańyzdar. Ásirese bul jastarǵa qatysty. Sonda ǵana tártip ornap, jol-kólik apattary, qaıǵyly oqıǵalar azaıady»,-dedi ájeı.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT