+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Tarazda 500-den astam jas ǵalym bas qosty

2019 jylǵy 10 qarasha 05:41
Bólisińiz:
Tarazda 500-den astam jas ǵalym bas qosty

TARAZ. QazAqparat – Tarazǵa Qazaqstan, Qyrǵyzstan jáne Ózbekstannan kelgen 500-den astam jas ǵalym men zertteýshi jınaldy, dep habarlaıdy QazAqparat tilshisi.

Tuńǵysh Prezıdent-Elbasy qorynyń qoldaýymen M.Dýlatı atyndaǵy TarMÝ-de «Qazirgi Qazaqstandaǵy ınnovatsııalyq damý men ǵylymǵa degen suranysy» atty XIII halyqaralyq ǵylymı konferentsııa ótti. Shara eki kúnge sozyldy.

Іs-sharaǵa stýdentter, magıstranttar, doktoranttar, otandyq jáne sheteldik joǵarǵy oqý oryndarynyń jas ǵalymdary qatysty. Konferentsııa aıasynda «Úzdik jas ǵalymdar keńesi», «Science Slam Kazakhstan», «Jastardyń ınnovatsııalyq múmkindigi - 2019» jáne «Úzdik ǵylymı maqala» baıqaýy ótip, olardyń jeńimpazdary marapattaldy. Konferentsııanyń birinshi kúni plenarlyq sessııa barysynda otandyq jáne sheteldik ǵalymdar óz baıandamalaryn oqyp, ınnovatsııalyq jobalardyń kórmesi uıymdastyryldy. Al ekinshi kúni «Successful grant writing» ǵylymı-ádistemelik semınar jáne ǵylymı zertteý jumystaryna qatysty sheberlik sabaǵy ótti. Semınar barysynda Seljuq ýnıversıtetiniń professory Alper Ýıýmaz túrkııalyq Mevlana jáne Turkey akademııalyq utqyrlyq baǵdarlamalary týraly aıtyp ótse, L.Gýmılev atyndaǵy Eýrazııa ulttyq ýnıversıtetiniń oqytýshysy Ádil Rodıonov áleýmettik ǵylymdar salasyndaǵy jarııalanymdar mańyzdylyǵy men ǵylymı zertteý grantyn utý joldaryna toqtaldy.


Sonymen qatar, QR Tuńǵysh Prezıdenti – Elbasynyń qory janyndaǵy ǵylymı keńes múshesi, Satpayev University assotsııalanǵan professory Ermek Toqtarov jáne Ulttyq bıotehnologııa ortalyǵy adam genetıkasy zerthanasynyń meńgerýshisi, QR Bilim jáne ǵylym mınıstrligi mańyndaǵy jas ǵalymdar keńesiniń tóraǵasy Maqsat Jabaǵın ǵylymı grantqa ótinim jazý erekshelikterine toqtaldy. Semınarda Erasmus+ baǵdarlamasy arqyly kásibı daıyndyq deńgeıin arttyrý joldary týraly prezentatsııa jasaldy. Sonymen qatar, Ońtústik Qazaqstan memlekettik medıtsına akademııasynyń «Bıologııa jáne bıohımııa» kafedrasynyń professory Marlen Esirkepov magıstrant, doktorant jáne jas ǵalymdarǵa arnap ǵylymı-zertteý jumystaryn júrgizýge qatysty sheberlik sabaǵyn ótkizdi. «Science Slam Kazakhstan» baıqaýynda úshinshi dárejeli dıplommen Jasulan Dúıseneı marapattalsa, ekinshi dárejeli dıplommen Dıldora Mýsametova, al birinshi dárejeli dıplommen Baǵdat Sultan marapattaldy.

«Jastardyń ınnovatsııalyq múmkindigi - 2019» nomınatsııasy boıynsha Serjan Myńbekov, Gúlnár Ahmethanova, Natalıa Voroshılova marapattaldy. «Úzdik jas ǵalymdar keńesi» nomınatsııasynda ál-Farabı atyndaǵy Qazaq ulttyq ýnıversıtetiniń, Qazaq ulttyq qyzdar pedagogıkalyq ýnıversıtetiniń jáne E.Bóketov atyndaǵy Qaraǵandy memlekettik ýnıversıtetiniń jas ǵalymdar keńesi marapattaldy. Elbasy qorynyń ókilderi osyndaı konferentsııanyń alǵash ret óńirde ótkizilgenin aıtyp ótip, uıymdastyrý deńgeıin joǵary baǵalap, bilim ordamyzda jas ǵalymdarǵa jaqsy qoldaý kórsetiletinine kóz jetkizgenin málimdedi.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT