FÝTBOLDAN ÁLEM ChEMPIONATY-2022

Taraz qalasyna jańa ákim taǵaıyndaldy

2022 jylǵy 5 qyrkúıek, 10:40
Taraz qalasyna jańa ákim taǵaıyndaldy

TARAZ. QazAqparat - Prezıdent Ákimshiliginiń jáne Taraz qalalyq máslıhatynyń kelisimi boıynsha Jambyl oblysy ákiminiń ókimimen Baqytjan Ámirbekuly Orynbekov Taraz qalasynyń ákimi bolyp taǵaıyndaldy, dep habarlaıdy QazAqparat.

Baqytjan Orynbekov 1971 jyly týǵan.

M.H.Dýlatı atyndaǵy Taraz memlekettik ýnıversıtetin «avtomobıl jáne avtomobıl sharýashylyǵy» jáne «taý-ken isi» mamandyqtary boıynsha bitirgen.

Ol eńbek jolyn 1992 jyly Jambyl qalasyndaǵy «Zaman» fırmasynda bólim bastyǵy bolyp bastaǵan.

Ár jyldary «Deldal» jeke kásiporny dırektorynyń orynbasary, «Jambyl-Quparlylyq» AQ-nyń mehanıgi, «Shyǵys Tańy» Saýda-óndiristik kompanııasy» JShS bas dırektory, «Taraz kólik joly» JShS prezıdenti, Jambyl oblysy ákimdiginiń jolaýshylar kóligi jáne avtomobıl joldary, qurylys basqarmalarynyń basshysy, «Qazatomónerkásip» UAK» AQ-nyń «Saýda-kólik kompanııasy» JShS-de jáne «Volkovgeologııa» AQ-da túrli basqarýshy laýazymdarda eńbek etken.

2016-2017 jyldary QR Qorǵanys jáne aeroǵarysh ónerkásibi mınıstrligi Memlekettik materıaldyq rezervter komıtetiniń «Rezerv» ShJQ RMK-nyń bas dırektorynyń orynbasary, 2017-2018 jyldary QR Qorǵanys jáne aeroǵarysh ónerkásibi mınıstrliginiń Memlekettik materıaldyq rezervter komıteti tóraǵasynyń orynbasary, 2018-2021 jyldary «Taý-Ken Samuryq» ulttyq taý-ken óndirý kompanııasy» AQ-da departament dırektory, basqarýshy dırektor – jobalyq keńsesiniń basshysy, jobalardy basqarý jónindegi bas dırektor – basqarma múshesi qyzmetterin atqarǵan.

Oblys ákimi Nurjan Nurjigitov Taraz qalasynyń aktıvine jańa ákimdi tanystyryp, Memleket basshysynyń tapsyrmalaryn oryndaý, shahardaǵy qordalanǵan máselelerdi sheshý, damytý boıynsha naqty mindetter júktedi.


Uqsas jańalyqtar
Seriktester jańalyqtary

Jańalyqtar