+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Taraz qalasy karantınge jabylady

2020 jylǵy 5 sáýir 20:58
Bólisińiz:
Taraz qalasy karantınge jabylady

TARAZ. QazAqparat – Jambyl oblysynyń ortalyǵy Taraz qalasynda 7 sáýirden bastap karantın rejımi engiziledi, dep habarlaıdy QazAqparat Jambyl oblysy ákimdiginiń resmı saıtyna silteme jasap.

Oblys ákiminiń baspasóz qyzmetiniń habarlaýynsha, Taraz qalasynyń Bas memlekettik sanıtarlyq dárigeriniń qaýlysymen oblys ortalyǵynyń aýmaǵynda 2020 jyldyń 7 sáýir kúni saǵat 00.00-den bastap karantın rejımi engiziledi.

1) Tómende kórsetilgenderdi qospaǵanda, barlyq avtokólik quraldarynyń jáne azamattardyń qala aýmaǵyna kirýine jáne shyǵýyna tyıym salynady:

- medıtsınalyq qyzmetkerler jáne sanıtarlyq-epıdemıologııalyq qyzmet mamandary, avarııalyq-qutqarý qyzmetteriniń, quqyq qorǵaý organdary;

- azyq-túlik taýarlaryn, medıtsınalyq buıymdar men preparattardy, birinshi kezekte qajetti taýarlardy tasymaldaıtyn avtokólik quraldary;

- Taraz qalasynyń jedel shtaby (431516, 455985) ruqsat bergen tulǵalar men avtokólik quraldary;

- turǵylyqty jerine oralý úshin keletin nemese ketetin adamdar jáne medıtsınalyq kórsetkishter boıynsha ketetin jáne keletin adamdar.

2) Qoǵamdyq kólik saǵat 7-00-den 20-00-ge deıin jumys isteıtin bolady.

3) Tómendegi jaǵdaılardy qospaǵanda, adamdardyń jáne jeke kóliktiń Taraz qalasynyń aýmaǵynda erkin júrip-turýyna tyıym salynady:

- jumys ornynan anyqtama bolǵan jaǵdaıda turǵylyqty jerinen jumys ornyna deıin jáne keri júrip-turý;

- azyq-túlik taýarlaryn, dárilik preparattardy jáne medıtsınalyq buıymdardy satyp alý;

- medıtsınalyq kómekke júginý;

- memlekettik jáne áleýmettik kómek alý maqsatynda memlekettik mekemelerge barý;

- kútpegen TJ jáne adamnyń ómiri men densaýlyǵyna qaýip tóndiretin basqa da jaǵdaılar kezinde.

Bul rette, otbasy múshelerin qospaǵanda, adamdardyń 3 adamnan artyq toptasýyna, sondaı-aq kámeletke tolmaǵandardyń eresekterdiń erip júrýinsiz júrip-turýyna tyıym salynady.

4) Jeke tulǵalardyń júrip-turýy, onyń ishinde kólik quraldaryn basqarýdy jeke qorǵaný quraldaryn paıdalaný kezinde ǵana júzege asyrýǵa mindetti.

5) Azyq-túlik sýpermarketterin, azyq-túlik dúkenderin, dárihanalardy, veterınarııalyq dárihanalardy, birinshi kezekte qajetti taýarlardy satý pýnktterin, aýyl sharýashylyǵy tehnıkasyna arnalǵan avtobólshekterdi, aýyl sharýashylyǵy janýarlaryna arnalǵan jem-shópterdi ótkizýlerdi qospaǵanda, saýda-oıyn-saýyq ortalyqtarynyń, bazarlardyń, barlyq azyq-túlik emes taýarlar saýda nysandarynyń, avtosalondardyń, avtoqosalqy bólshekter satý salondarynyń, gúl pavılondarynyń qyzmeti toqtatylady.

6) Barlyq qyzmet túrlerin kórsetý oryndarynyń, onyń ishinde: bank bólimsheleri jáne lombardtar, «Qazpochta» AQ bólimsheleri, qonaq úıler, sondaı-aq dóńgelek montajdaýǵa arnalǵan jeke turǵan bokstardy (ekiden kóp emes) qospaǵanda, tehnıkalyq qyzmet kórsetý stantsııalarynyń qyzmeti, úı-jaılardaǵy balalar oıyn alańdarynyń, haıýanattar parkteriniń, muz aıdyndarynyń, kórmelerdiń jáne qyzmet kórsetý salasyndaǵy ózge de osyǵan uqsas nysandardyń jumysy toqtatylady.

7) Meıramhanalarǵa, dámhanalarǵa, barlarǵa, ashanalarǵa jáne basqa da qoǵamdyq tamaqtaný nysandaryna «tutynýshylarǵa jetkizip berý» rejımi boıynsha saǵat 10-00-den 22-00-ge deıin jumys isteýge ruqsat etiledi.

8) Menshik túrine qaramastan, mektepke deıingi balalar mekemeleri men bilim berý, daıyndyq jáne damytý ortalyqtarynyń qyzmeti toqtatylady.

9) Halyqtyń jappaı jınalatyn oryndaryna, onyń ishinde saıabaqtarǵa, skverlerge, jaǵalaýlarǵa, alańdarǵa, balalardyń oıyn alańdaryna jáne qala turǵyndarynyń ózge de demalys oryndaryna barýyna tyıym salynady.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT