Tanymal saıtta esirtki jarnamasyna qatysty siltemeler joıyldy - ІІM
2022 jylǵy 16 mamyr 13:36

Tanymal saıtta esirtki jarnamasyna qatysty siltemeler joıyldy - ІІM

NUR-SULTAN. QazAqparat – Esirtki taratatyndarmen kúres baǵytynda Telegram ákimshilerimen birlese 430 chatty buǵattaý máselesi pysyqtalyp jatyr. Bul týraly QR ІІM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıev málim etti, dep habarlaıdy QazAqparat tilshisi.

Mınıstrliktegi onlaın ótken baspasóz máslıhatynda ınternet jelisinde adamdardy kýrer retinde jumysqa qabyldaý jıi kezdesetini jáne osy jarnamalar keı jaǵdaıda bul adamdardy esirtkini taratýǵa jumyldyrý úshin jasalatyny aıtyldy. Osy oraıda mundaı zańsyz árekettermen polıtsııa qalaı kúresip jatqanyn surady.

«Shynynda da osyndaı faktilerdi kezdestirip jatyrmyz. Іshki ister mınıstrligi QR Aqparat jáne qoǵamdyq damý mınıstrliginiń komıtetimen birlese tanymal www.olx.kz. saıtynda zańǵa qaıshy kontenttiń taralýyna jol bermeý boıynsha tıisti qadamdar daıyndap otyr. Osy oraıda Olx provaıderimen ózara is-qımyl jumystary júrgizildi. Atap aıtqanda, kýrer qyzmeti jarnamasy boıynsha mátinde esirtki saıttaryna jasalǵan 100-den astam siltemeni joıdyq. Kıberbýllıng máseleleri boıynsha zańnamalyq túzetýlerdi eskere otyryp, osy jumystyń aıasynda basqa da aqparat resýrstarymen tikeleı baılanysty ornatý josparlanyp otyr», - dedi Asqar Muhametqalıev.

Bul turǵyda ol Telegram ókilderimen osy baǵytta tıimdi jumys isteý eskerilgenin aıtty. Qazirgi kezde Telegram ákimshilerimen birlese 430 chatty buǵattaý máselesi pysyqtalyp jatyr.

Budan buryn habarlanǵandaı, bıyl 4 aıda elimizdiń aýmaǵynda 11 esirtki zerthanasy joıyldy.

Esirtkiniń transulttyq arnasyn joıý kezinde 13 qazaqstandyq ustaldy.

Jyl basynan esirtki taratýǵa qatysty 655 ınternet-resýrs anyqtaldy.


Uqsas jańalyqtar
Avtor:
Tilshi

Jańalyqtar

MURAǴAT