Tanymal kásipker Almas Ábdiǵapparov 7 jylǵa sottaldy
2022 jylǵy 5 shilde 12:42

Tanymal kásipker Almas Ábdiǵapparov 7 jylǵa sottaldy

ALMATY. QazAqparat- Parmigiano Group kompanııasynyń basshysy Almas Ábdiǵapparov 7 jylǵa sottaldy. Bul týraly Almaty qalalyq sot baspasóz qyzmeti málim etti, dep habarlaıdy QazAqparat tilshisi

Almaty qalasy №2 Medeý aýdandyq soty elıtalyq Esentai City Turǵyn úı kesheninde jyljymaıtyn múlikti satyp alýshyǵa tıesili 418 640 000 teńgeni menshiktep alý isi boıynsha úkim shyǵardy.

«Almas Ábdiǵapparov senip tapsyrylǵan bóten múlikti ıemdenip alý nemese talan-tarajǵa salǵany úshin aıypty dep tanyldy. Ol jazasyn jalpy rejımdegi kolonııada 7 jyl óteıdi. Sondaı-aq oǵan qarjylyq uıymdarda 5 jyl boıy basshylyq qyzmetter atqarýǵa tyıym salynady»,- dep habarlady sottan.

Úkim zańdy kúshine engen joq.

Aıta keteıik, Parmigiano Group kompanııasynyń dırektory Almas Ábdiǵapparov byltyr shilde aıynda qamaýǵa alynǵan bolatyn.

Sýret: bugin.kz
Uqsas jańalyqtar

Jańalyqtar

Úrdis

MURAǴAT