+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Tańǵy shyqta jalańaıaq júrgizý – balany shynyqtyrýdyń eń tıimdi joly

2021 jylǵy 14 maýsym 07:26
Bólisińiz:
Tańǵy shyqta jalańaıaq júrgizý – balany shynyqtyrýdyń eń tıimdi joly

PETROPAVL. QazAqparat – Soltústik Qazaqstan oblysynyń sanıtarlyq dárigerleri balanyń jazǵy demalysyn tıimdi jáne densaýlyqqa paıdaly uıymdastyrýǵa qatysty birqatar keńesin berdi, dep habarlaıdy QazAqparat tilshisi.

Uqsas jańalyqtar
DDU elektrondy temekiniń taralymyn shekteýge shaqyrady Qostanaılyq dárigerler koronavırýs juqtyrǵan júkti áıel men sábıdi ólimnen qutqaryp qaldy

SQO Sanıtarııalyq-epıdemıologııalyq baqylaý departamenti mamandarynyń aıtýynsha, jazǵy kanıkýl – bar múmkindikti paıdalanyp, balalardy saýyqtyrýdyń eń qolaıly ýaqyty.

Mektep kezinde balanyń qımyl-qozǵalysy ádetegiden 50%-ǵa kemıdi. Sondyqtan, jazda balalar taza aýada múmkindiginshe uzaǵyraq bolǵany durys. Serýen, oıyn, dene shynyqtyrý jattyǵýlary – eń jaqsy demalys.

Jazda balanyń oıaný jáne uıyqtaý ýaqyttary oqý jyly merzimindeı nemese sál-pál ǵana aýytqýy múmkin.

«Balanyń tamaq ratsıonynda kókónister men jemister, sút jáne et taǵamdary jetkilikti mólsherde bolýy tıis. Jaz – dárýmender tapshylyǵynyń ornyn tolyqtyrýǵa eń qolaıly merzim. Eń bolmasa 1 aıǵa balańyzdy jazǵy saýyqtyrý oryndarynda, sozylmaly aýrýlary bar balalardy shıpajaı jaǵdaıynda saýyqtyrǵan tıimdi», - deıdi sanıtar dárigerler.

Mamandardyń birneshe usynysy da bar:

1) Jazǵy demalysty balalarmen birge josparlańyz. Serýen, oıyn, shynyqtyrý men sport jattyǵýlary taza aýada bolýy kerektigin este saqtańyz! Balany kompıýterden alys ustańyz, tipti bolmaǵanda kompıýtermen oınaý ýaqytyn qysqartyńyz. 5 jasqa deıingi balalar - 7 mınýttan, 6 jastaǵy balalar - 10 mınýttan, bastaýysh synyptyń oqýshylary - 20 mınýttan artyq kompıýterde otyrmaýy kerek.

2) Balanyń densaýlyǵyn nyǵaıtýǵa qoljetimdi jáne tıimdi shynyqtyrý quraldaryn – kún, aýa jáne sýdy molynan qoldanyńyz. Kún – ol jylylyq, jaqsy kóńil-kúı, densaýlyq. Alaıda, kún sáýlesin mólsherden artyq alýǵa bolmaıdy. Kún ótkennen bas aınalyp, tynymsyzdanyp kúıgelektený, tynys alý jáne júrek-qan tamyrlar júıesi buzylýy múmkin. Balalarǵa ashyq kún astynda ádeıi qyzdyrynýǵa bolmaıdy. Olardyń kóbi sýǵa shomylyp, sý jaǵasynda qumda oınaǵandy unatady. Bul – shynyqtyrýdyń eń tıimdi joly.

3) Saıajaıda nemese aýylda demalsańyz, balany tańǵy shyqqa jalańaıaq júgirtińiz. Shyqtyń áserinen tabannyń tamyrlarymen birge keńsirik mańy tamyrlary tarylyp, keńeıedi. Osynyń nátıjesinde qan aınalym kúsheıip, aýrý qozdyrǵysh vırýstar men bakterııalarǵa berik tosqaýyl qoıady. Shyqta jalańaıaq júrý maıtabandylyqtyń da aldyn alady.

«Sóz sońynda ata-analarǵa aıtarymyz, qarapaıym gıgıenalyq erejeni saqtańyzdar! Sonda ǵana demalys balańyzdyń densaýlyǵyn nyǵaıtady jáne túzetedi», - deıdi sanıtar dárigerler.


foto: https://ru.freepik.com/
Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT