+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Tańdaý jasaıtyn sát keldi - Altaı Kólginov

2020 jylǵy 26 maýsym 19:40
Bólisińiz:
Tańdaý jasaıtyn sát keldi - Altaı Kólginov

NUR-SULTAN. QazAqparat - Elordada ınfektsııa juqtyrǵandardyń sany kóbeıe beretin bolsa, onda iri sport nysandary statsıonar retinde ázirlenedi. Bul jaıynda Nur-Sultan qalasynyń ákimi Altaı Kólginov Facebook paraqshasynda jazdy, dep habarlaıdy QazAqparat tilshisi.

Uqsas jańalyqtar
Elordada taǵy bir kásiporyn maska shyǵara bastady Altaı Kólginov elorda turǵyndaryna úndeý jasady

«Qadirmendi qala turǵyndary! Qaýipsizdigimiz úshin tańdaý jasaıtyn sát keldi. Medıtsına qyzmetkerleri sońǵy tórt aı boıy koronavırýs ınfektsııasymen kúreste aldyńǵy shepte keledi. Barlyq múmkindikterin paıdalanyp qyzmet etip jatqan dárigerlerimizdiń tipti otbasymen qaýyshý múmkindigi bolmaı júr. Kún-tún demeı eńbek etip jatqan olar – sózsiz batyr, biraq túsineıik, olar da adam. Jany da, táni de sharshaıdy. Bastapqyda dárigerlerdiń osy kúreste qalýyna da, ketýine de múmkindik boldy. Biraq olar qalýdy uıǵardy. Sondyqtan, bizdiń olarǵa osyndaı qıyn sátte kómegimiz ben qurmetimiz – úıden shyqpaı, tártipke baǵynýymyz bolýy kerek. Dárigerlerge kómektesý úshin barshańyzdy bir ǵana durys tańdaý jasaýǵa shaqyramyz. Sebebi medıtsına qyzmetkerlerine dál qazir bizdiń kómegimiz aýadaı qajet. Túsinińizder, dál qazirgi sátte olardyń arqasyna artylǵan aýyr júkti eshteńemen salystyrýǵa kelmeıdi», - dep jazdy qala ákimi.

Onyń dereginshe, búginde birneshe bas dáriger, jansaqtaý bóliminiń meńgerýshisi jáne alǵashqy kúnnen beri kúreste júrgen taǵy basqa medıtsına qyzmetkerleriniń ózderi aýyryp qaldy. Olar osy osy ýaqyt aralyǵynda bir ǵana adamnyń ómirin saqtap qalǵan joq, jazylyp shyqqan myńdaǵan adamnyń otbasylaryna da shattyq syılady.

«Pandemııa bastalǵan tusta bizde 1 ǵana statsıonar bolsa, qazir olardyń sany 12-ge jetti. Zerthana da bireý ǵana edi, qazir 8-i jumys istep tur. Bas kezinde 300 adamǵa deıin synama tapsyra alsa, qazir kúnine 5,5 myń adamǵa PTR-test jasalady. Qazirgi jaǵdaıǵa qarasaq, bunyń ózi jetkiliksiz. Infektsııa juqtyrǵandardyń sany kóbeıe beretin bolsa, biz amalsyzdan iri sport nysandaryn statsıonar etip ázirleımiz. Naýqastarǵa oryn tabylar, biraq, olardy kim emdeıdi? Memleket júzdegen, myńdaǵan tósek orynmen de, medıtsına qurylǵylarymen de qamtamasyz ete alady. Biraq onyń bárine oqyǵan maman, dárigerlerdi qaıdan tabamyz? Iá, biz qalaǵa dezınfektsııa jasaýǵa, baqylaý beketterine jumys isteýge eriktiler men áskerılerdi tarttyq. Biraq adam janyn saqtap qalý úshin eriktilerdiń erik-jigeri jetkiliksiz. Oǵan arnaıy medıtsına bilimin alǵan maman qajet. Aıaq asty nemese asyǵyp dáriger daıyndap shyǵý taǵy múmkin emes. Dárigerlerge qolǵabys, ózderine tájirıbe bolsyn dep medıtsınalyq ýnıversıtetter men kolledjderden stýdentterdi tartyp jatyrmyz. Biraq, adam ómirine arasha túse alatyndaı tolyqqandy maman bolý úshin jyldar boıǵy oqý men tájirıbeli eńbek qajet ekenin siz de, biz de jaqsy túsinip otyrmyz», - dedi Altaı Kólginov.

Elorda ákiminiń dereginshe, qalada 3,5 myń dáriger men 8 myń medıtsına qyzmetkeri bar. Al halyq sany – 1 mln 200 myń.

«Jedel járdem stansasynyń jumysynan mysal retinde aıtar bolsaq, shaqyrtýlar 1 myńnan 4 myńǵa deıin kóbeıgen. Osy aptada táýligine 4 300 qońyraý tústi. Jedel járdem stantsııasynyń bazasynda qurylǵan koll-ortalyq sol aýyrtpalyqtyń bir bóligin kóterip keledi. Sonymen qatar telegram-bot ashyp, turǵyndardyń jedel kómek shaqyrýyna jaǵdaı jasaldy. Jedel járdem brıgadalarynyń sanyn 150-ge deıin kóbeıttik», - dedi ol.

Onyń atap ótýinshe, qazir qaladaǵy barlyq aýrýhana men emhana koronavırýspen kúreske jumyldyrylǵan. Birinshi qalalyq aýrýhanany tolyqtaı statsıonarǵa aınaldyrylǵan. Nátıjesinde qosymsha 600 oryn ashyldy. Sońǵy 10 kúnniń ishinde ǵana naýqastarǵa arnalǵan oryn 1 300-den 3 100-ge-ge, ıaǵnı úsh esege kóbeıdi.

«Árbir bekitilgen emhana boıynsha kompıýter tomografııasyn túsirý jóninde birneshe respýblıkalyq klınıkamen kelisim jasadyq. Kompıýter tomografııasyn jasaý pnevmonııany bastapqy kezeńinde anyqtaýǵa múmkindik beredi. Sonymen qatar qosymsha KT jáne IVL apparattaryn satyp alyp jatyrmyz. Telemedıtsına tájirıbesin paıdalanýdamyz. Sımptomsyz tasymaldaýshylardy emdeý úshin medıtsına qyzmetkerleri osy arqyly naýqastyń jaǵdaıyn baqylaýda ustap otyr. Sımptom bolǵan jaǵdaıda aýrýhanaǵa jatqyzylady. Arnaıy oqytylǵan qyzmetkerlerden turatyn sıtýatsııalyq ortalyq jumysyn bastady. Olar belgili bir mekemede naýqastardyń toptalýyna jol bermeı, koronavırýs ınfektsııasyn juqtyrǵan naýqastardy bólip otyrady. Bul barlyq statsıonardyń jumysyn úılestirýge septigin tıgizip jatyr. Tıisti aqparattar men konsýltatsııalar alýǵa qolaıly COVID-19 saıty jasaldy. Dúısenbi kúni iske qosylady», - dedi qala basshysy.

Altaı Kólginov endi bekitilgen erejelerge jaýapsyzdyqpen qarap, osy úılesimdi jumystyń bárin joqqa shyǵarýǵa bolmaıtyndyǵyn basa aıtady.

«Qaýipsizdik sharalaryn saqtamaǵandyqtan medıtsına qyzmetkerlerine óte aýyr salmaq túsirip jatyrmyz. «Qaýip qaıdan bolsa qater sodan« deıdi. Qazirgi ýaqytta qaýiptiń de, qaterdiń de qaıdan ekenin jaqsy bilesizder. Saqtyqta qorlyq joq. Ózimiz ben jaqyndarymyzdyń ómirine jáne ózgelerdiń adal eńbegine qurmet tanytyp, qaýipsizdik sharalaryn qatań saqtaıyq», - dedi Nur-Sultan ákimi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT