+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Talǵat Qalıev: Saılaýǵa deıingi 81 kún – ár partııa óz únin jetkize alatyn ýaqyt

2020 jylǵy 21 qazan 14:22
Bólisińiz:
Talǵat Qalıev: Saılaýǵa deıingi 81 kún – ár partııa óz únin jetkize alatyn ýaqyt

NUR-SULTAN. QazAqparat – Aldaǵy Parlament saılaýynda azamattyq belsendiliktiń artyp, táýelsiz baqylaýshylardyń kóbeıeri, jastardyń elektoraldy protseske degen múddesi kúsheıeri sózsiz. Parlament saılaýyna qatysty «Qoldanbaly etnosaıası zertteýler ınstıtýty» JShS dırektory Talǵat Qalıev osyndaı pikir bildirdi, dep habarlaıdy QazAqparat tilshisi.

«Bul saılaýdy jurttyń kútkenine de jyl tolyp qapty. Buǵan deıin Májilis merziminen buryn taraıdy eken degen syńaıda átúrli alypqashpa áńgime kóp bolyp edi. Kúni búginge deıin saılaýdyń jeltoqsanda ótetini týraly sóz jeldeı esip júrdi. Sebebi Úkimettiń qazirgi quramynyń keleshegi de osyǵan baılanysty bolmaq», - deıdi Talǵat Qalıev.

Onyń aıtýynsha saılaýdyń ótetini jaıly 81 kún buryn jarııalanýy – prıntsıptik turǵyda mańyzǵa ıe. Osy ýaqyttyń ishinde kez kelgen partııa óz resýrstaryn jumyldyryp, saılaý kampanııasyn ótkizý úshin qoldana alady. Osy ýaqyt ishinde qansha karantındik shekteý bolsa da árbir saılaýshyǵa partııa únin jetkizýge tolyq múmkindik bar.

«Bul saılaýǵa deıingi oıyn erejelerin de Prezıdent Qasym-Jomart Toqaev bir jyl buryn jarııalap, jastar men genderlik kvotalardyń engiziletinin habarlaǵan edi. Osydan keıin partııalardyń kóbi óz qataryn jasartyp, múshelikke jas býynnyń ókilderi men áıelderdi tarta bastady. Prezıdent janyndaǵy Ulttyq qoǵamdyq senim keńesiniń jumysy aıasynda partııalar úshin tirkeý shegin eki ese azaıtýǵa múmkindik týdy, sonymen birge elde tek eskertý arqyly ótkizile beretin beıbit jınalystar týraly zań qabyldandy. Osyǵan baılanysty saılaý aldyndaǵy kampanııa mazmundy ári qyzyqty bolar degen oıdamyz. «Nur Otan» partııasy praımerız ótkizip, óz qataryna áleýettik múshelerdi tartyp aldy. «Aq jol» bolsa aqparattyq alańda ótkir málimdemelermen kóz túskisi kelip júr. Al kommýnıster tanymal blogerlerdiń kómegimen jurttyń nazaryn ózine aýdarǵysy keledi», - deıdi Talǵat Qalıv.

Sarapshynyń sózine sensek saılaý ótkenge deıin bireý jańa partııany tirkeýge, ekinshisi jumysy júrip jatqan partııany satyp ala qoıýýǵa tyrysýy múmkin.

«Alaıda saıası keleshekten paıda kórgisi keletinderdiń tabyla qoıary belgisiz. Alaıda azamattyq belsendiliktiń dál osy tusta artatyny, táýelsiz baqylaýshylardyń kóbeıýi, jastardyń elektoraldy protseske degen múddesi kúsheıeri sózsiz», - dedi ol.

Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalaǵan bolatyn.

«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy», - dedi Prezıdent úndeýinde.

https://www.inform.kz/qz/kr-prezidenti-mazhilis-zhane-maslihat-deputattarynyn-saylauy-turaly-undeu-zhariyalady_a3708756


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT