Taldyqorǵandaǵy jarylys: Áskerı qyzmetshi kishkentaı eki qyzdy qalaı qutqarǵanyn aıtyp berdi

TALDYQORǴAN. QazAqparat - Taldyqorǵanda oqys oqıǵaǵa kýá bolǵan áskerı qyzmetshi 8 jáne 10 jasar qyzdardy janyp jatqan úıden qalaı qutqarǵanyn aıtyp berdi, dep habarlaıdy QazAqparat tilshisi.

Azamat Nııazov esimdi turǵyn jarylystyń daýysyn alǵashqylardyń biri bolyp estigenin aıtady. Eki kishkentaı qyzdy janyp jatqan úıden ózi shyǵarǵan.

«Keshki jeti jarymdarda dúkennen kele jattym. Jarylystyń daýysyn estidim. Kórshimniń úıi órtenip ketipti. Janyp jatyr eken. Іshinde eki bala, astynda taǵy bir adam qalyp qalǵan. Basqalaryn shyǵaryp alǵan. Aıǵaılap jatqan daýysqa baryp, sol jerden balalardy alyp shyqtym», - deıdi Áýe qorǵanys kúshteri 21751 áskerı bóliminiń qyzmetkeri Azamat Nııazov.

Aıta keteıik, Taldyqorǵanǵa qarasty Erkin aýylynda gaz ballony jaryldy. Oqıǵadan zardap shekken 8 adamnyń altaýy jansaqtaý bóliminde jatyr. Olarǵa Almatydan sanavııatsııamen jetekshi travmatolog-kombýstıolog dáriger jetkizildi.

Qazir denesiniń 98 paıyzy kúıgen 14 jasar bala men 48 jastaǵy naýqas arnaıy apparattyń kómegimen demalyp jatyr.

Tótenshe jaǵdaı qyzmetiniń resmı málimetine sensek, gaz balonmen turǵyn qoıdyn basyn úıitip, jóndi janbaǵan soń ballondy úıdegi peshtiń janyna jylytýǵa qoıǵan.

Artynsha jarylys bolǵan.