Taldyqorǵandaǵy gaz ballon jarylysy: 14 jastaǵy bala qaıtys boldy

TALDYQORǴAN. QazAqparat - Taldyqorǵanda gaz ballon jarylysynan zardap shekken 14 jastaǵy bala qaıtys boldy. Onyń denesiniń 98 paıyzy kúıgen bolatyn, - dep habarlaıdy QazAqparat tilshisi.

Uqsas jańalyqtar

Atyraý oblysynda jol apatynan eki adam mert boldy

AQSh turǵyny lotereıadan mıllıard dollar utyp aldy ShQO-da jol apatynan 1 adam kóz jumyp, 4 adam jaraqat aldy Qaraǵandy oblysynda jyl basynan beri 107 órt oqıǵasy tirkeldi

«Qazirgi tańda Taldyqorǵan qalalyq kópsalaly aýrýhanada jatqan 3 naýqastyń jaǵdaıy óte aýyr. 2006 jyly týǵan bala qaıtys boldy. Onyń denesiniń 98 paıyzy kúıgen. Ol saǵat 00:45 te jan tapsyrdy. Al oblystyq aýrýhanada jatqan eki naýqastyń jaǵdaıy aýyr. Balalar aýrýhanasynda jatqan 8 jáne 10 jastaǵy qyzdardyń jaǵdaıy ortasha aýyr», - dedi Almaty oblystyq Densaýlyq saqtaý basqarmasy baspasóz qyzmetiniń resmı ókili Láılim Áýbákirova.

Aıta keteıik, Taldyqorǵanǵa qarasty Erkin aýylynda gaz ballon jarylysynan zardap shekken 8 adamnyń 6-aýy jansaqtaý bóliminde jatyr. Olarǵa Almatydan sanavıatsııamen jetekshi travmatolog-kombýstıolog dáriger jetkizildi. Qazir denesiniń 98 paıyzy kúıgen 14 jastaǵy bala men 48 jastaǵy naýqas arnaıy apparattyń kómegimen demalýda. Al oqys oqıǵaǵa kýá bolǵan turǵyn 8 jáne 10 jastaǵy qyzdardy janyp jatqan úıden qalaı qutqarǵanyn aıtyp berdi.

Tótenshe jaǵdaı qyzmetiniń resmı málimeti boıynsha, gaz balonymen turǵyn qoıdyń basyn úıtip jatqan, jóndi janbaǵan soń úıdegi peshtiń janyna ballondy jylytýǵa qoıǵan. Artynsha jarylys bolǵan.