+7 (701) 759 90 19
USD 379.75 EUR 415.18
RUB 5.78 CNY 54.19
Jańalyqtar

Taldyqorǵanda jergilikti ákimdik jabaıy saýdamen kúresip jatyr

2020 jylǵy 16 qańtar 09:34
Bólisińiz:
Taldyqorǵanda jergilikti ákimdik jabaıy saýdamen kúresip jatyr

TALDYQORǴAN.QazAqparat - Úsh kúnnen beri Taldyqorǵan ákimdigi jabaıy saýdamen kúres júrgizip, kóshe boıyndaǵy satýshylardy jappaı qýyp jatyr, dep habarlaıdy QazAqparat tilshisi.

Jumystyń qyzý júrgizilgeni sonshalyq, ákimdiktegiler saýdagerlerdiń saýda jasaıtyn oryndaryn túngi ýaqytta arnaıy kólikpen tazalap tastaǵan.

«Meniń 1 mln teńge nesıem bar. 4 balam bar. Kúıeýim týberkýlez aýrýyna shaldyqqan. Úkimetten úı surap jatqan joqpyn. Aqsha surap jatqan joqpyn. Nege qarapaıym halyqtyń jaǵdaıyn oılamaıdy? Ákimdiktiń bizge usynǵan jerlerinde saýda júrmeıdi», - deıdi saýdager Roza Ibraımova.

«Bir kúnde 100-ge jýyq adam dalada qaldyq. Osynshama adamǵa ákimdik jumysty qaıdan taýyp bermek?», - dedi sharasyz qalǵan saýdager Janna Belavına.

Qańtardyń qara sýyǵynda nápaqasyz qalǵan saýdagerler Taldyqorǵandaǵy bazarlar jekeniń qolyna ótip ketkenine narazy. Sáıkesinshe munda jalǵa berý quny da aspandap tur deıdi olar.

«Men qolymnan kelgenshe halyqqa kómekteskendi jaqsy kóremin. Biraq zań bar, talap bar. Jalpy sizderdiń jaǵdaıdy oblys ákimine jetkizemin, qalanyń ákimi jumysqa shyqty. Qorytyndysyn aıtamyz. Múmkin, kommýnaldyq bazardan, múmkin ortalyqtan ba, oryn qarastyramyz», - dedi Almaty oblysy ákiminiń orynbasary Baǵdat Mánzorov.

Biraq saýdagerler sheneýnikten olarǵa tek ortalyq bazardan oryn taýyp berýin ótindi. Aıtýlarynsha, saýda osy jerde ǵana jaqsy júredi.

Sondaı-aq ákim orynbasary munyń bári zań talaby, qalalyq ákimdiktiń sheshimi ekenin aıtty.

«Men bazarǵa shulyq ákep satamyn. Qazir qýyp jiberdi. Ash qalmaý úshin bireýdiń ydysyn jýatyn shyǵarmyn», - dep saýdager Baqytgúl kózine jas aldy.

Jaıma bazarda shulyq satyp, tabysynan aıyrylǵan analardyń turmys jaǵdaıy nashar. Máselen Baqytgúldiń úıiniń esiginen tesigi kóp. 11 aılyq balasy bar jalǵyzbasty ana qýyqtaı bir bólmeli úıdi 30 myńǵa jaldap turady eken. Sharasyz otyrǵan eki balanyń anasy Baǵdat Mánzorovtyń kómektesetinine senip, basqa saýdagerler sııaqty úmitpen úıine qaıtty.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT