Taldyqorǵanda sıntetıkalyq esirtki satýmen aınalysqan kúdiktiler ustaldy

TALDYQORǴAN. QazAqparat - Almaty oblysynyń polıtseıleri sıntetıkalyq esirtki saýdasymen aınalysqan topty ustady, - dep habarlaıdy QazAqparat tilshisi.

Uqsas jańalyqtar

Polıtsııaǵa jalǵan aryz jazǵan Óskemen turǵyny isti boldy

Polıtseılerden qashyp júrgen Úrjar aýdanynyń turǵyny Almaty oblysynda ustaldy SQO turǵyny 14,5 keli esirtkimen ustaldy Óskemen turǵynynan 2 mln teńgeniń esirtkisi tárkilendi

Júrgizilgen arnaıy jedel-izdestirý is-sharalary barysynda Almaty oblysy Polıtsııa departamentiniń Esirtki bıznesine qarsy is-qımyl basqarmasynyń qyzmetkerleri sıntetıkalyq esirtkilerdi zańsyz taratýmen aınalysqan bir top adamdy ustady.

«Tártip saqshylary jedel-izdestirý is-sharalary men jasyryn tergeý júrgizdi. Onyń barysynda bes adamnan quralǵan top anyqtaldy. Olardyń barlyǵy — Taldyqorǵan qalasynyń 24-28 jas aralyǵyndaǵy turǵyndary. Kúdiktiler uzaq ýaqyt boıy ınternet jelisi, Telegramm mesendjeri arqyly sıntetıkalyq esirtkilerdi zańsyz taratýmen aınalysqan. Olar esirtki zattaryn jasyryn oryndar arqyly taratqan»,- dedi Almaty oblysy PD bastyǵynyń orynbasary polıtsııa podpolkovnıgi Danııar Mendebaev.

Kúdiktilerdiń biriniń páterin sanktsııalanǵan tintý barysynda ishinde qońyr tústi ósimdik zaty bar, satýǵa daıyndalǵan 250 oram alyndy. Sonymen qatar, aq tústi untaq zat jáne jasyl tústi ósimdik zaty bar eki polıetılen paket tabyldy. Barlyq alynǵan zattar boıynsha saraptama taǵaıyndaldy.

«Búgingi kúni kúdiktilerge qatysty QR QK 297-babynyń 1, 3-bólikteri boıynsha qylmystyq is qozǵaldy, ıaǵnı esirtki quraldaryn, psıhotroptyq zattardy jáne sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý ne ótkizý. Barlyq kúdiktiler ýaqytsha ustaý oqshaýlaǵyshyna qamaqqa alyndy»,-dep tolyqtyrdy polıtsııa podpolkovnıgi Danııar Mendebaev.